angelbbz的個人專頁

一直放題鍾意食大喜屋，殿大喜屋貴D，今次第一次嚟仲滿心期待諗住D食物會好D，同埋多款D，點知會係咁差同咁令人失望。食物質素：差- 唔新鮮，泰式生蝦刺身好腥，其他海鮮都唔甜、無味，一上檯D冰底已經溶溶地，好似上場剩低嘅食物。- 唔熱：食物唔熱，種類同其他普通大喜屋一樣無唔同，自助區拎嘅蜆全都係霉，死蜆！最好食係牛肉鍋。飲品及雪糕種類都比其他大喜屋嘅少，水果仲要無乜refill。服務：差- 落單app有問題，第一次落完食物想隔10分鐘想加一兩樣野食，點知話因為前單未被接單，所以唔比落單。因為同朋友係分開落單，經常都遇到唔比落單嘅情況，基本上我地全晚唔係落得好多次單，依個情況係其他大喜屋係未試過！- 出餐速度都有D慢- 收碟速度仲慢，成檯吉碟見到都唔收整體表現：真係好差，每人埋單連加一$440，一定唔會可去！好失望！…查看更多

之前一直收藏依間餐廳，因 openrice 見好有人氣，睇相賣相都唔錯一直好想試，最近終於去到食晚飯，但可能期望太大，有點少失望。極失望招牌菜嘅「糯米炒膏蟹」　（$588）全煲糯米飯都好硬，不是指鍋底的飯焦，煲內的糯米飯好似太少水未煮熟生米嘅感覺，向職只反映只係話生糯米飯係脆脆地，我地叫佢試下佢又唔肯試，我地又唔係第一次做炒糯米飯，係未熟就未熟，乾同硬，亦唔覺得好香。蟹係肉蟹，但不太新鮮，肉好實，應是炒過火了。$588依個價錢一D都唔值，全晚最後悔叫咗依碟所謂嘅招牌菜星洲麥皮蝦  - 加大8隻（$360）推介！依間好的係可以按人頭加大份量，蝦新鮮，炸得香脆，幾好。蝦多士 -   加大 8份 （$240）幾脆，蝦新鮮，但有一D油膩南非鮑魚啫啫雞　（$498）鮑魚新鮮，雞無味，不名火喉，Ｄ汁只係留於表面。中規中矩。蜜燒松阪豬　（$168）好韌，可以唔食。辣酒煮花螺　（$198）個汁只有辣味，無其他香味，個螺無味，不推介。荷香麒麟雞　（$188）雞滑，味道不錯。其他／總括神燈小炒皇，藕片炒大尾魷無乜特別，主要都係無乜火喉。全間餐廳嘅食物都欠缺火喉，唔知點解會有咁多好評，不評論，食物唔係難食，賣相係好，但味道只係中規中矩，價錢比同行偏貴。餐廳環境有D焗，冷氣不足，環境氛暗嘈吵，比茶樓仲嘈一萬倍。今次之後，會從我 openrice嘅收藏除名。…查看更多

😡😡😡😡😡😡千其唔好兩個人去食飯，要搭檯唔梗要，lunch時間預咗，無人都要搭檯坐單邊都算！坐坐話有3個客要我地調位都算！要求我地調去隔離二人卡位坐單邊！係唔係痴線㗎？！話二人卡位平時都係坐4個人、本身二人卡位都已經有一個男人坐梗，要我地兩個坐對面，咁做乜唔叫新入嚟個3個人坐埋個二人卡位？！4個人咪啱啱好！難道我地唔係客？唔洗比錢？！ 食個餐都$60，態度差到無人有！澳牛服務絕對比叉燒丼家好廿倍！食物味道正常，咖哩牛腩飯味道不錯；叉燒蛋飯D叉燒唔好食, 好乾好硬。唯人值得讚係整體份量好足夠，好多飯。只係態度極需要改善！…查看更多

服務態度好👍🏻👍🏻👍🏻👍🏻👍🏻第一次食旺角大喜屋，特別想讚下職員態度好好，屋企人唔小心倒瀉搞到地板濕咗，叫職員拖一拖，男女職員分別用紙巾抹了兩次，言談間忍到原來佢地都要限時趕上菜追quotation之類，但都好用心幫忙，仲提醒小心跣親，十分感謝🙏🏻🙏🏻 上菜同收碟都好快，見到全程職員都好忙，仲會好有禮貌，辛苦晒。食物味道好👍🏻👍🏻👍🏻性價比高，刺身都好新鮮，飲品款式好多，仲有珍珠奶茶🧋屋企人食得好開心，家人聚會好地方👍🏻…查看更多

其實香港生意已經唔好，今時今日咁嘅黑面態度真係邊會生意。衛生又差，買完先見到間舖有隻小小強行嚟行去🤢🤢即整等咗十幾分鐘左右，整完叫號碼拎，就咁隊比你，聲都無一句。買完又無比叉，問職員拎叉，點知望都無望你一眼，就咁指一下。成間舖d人都好似唔識講野咁👎🏻👎🏻味道一般，鹹鹹甜甜有d怪。$38兩件麻糬牛角包窩夫（宇治抹茶/烤芝士布甸），細細件，外貌比味道好，食落唔太覺有麻糬，試過一次就算，無下次👎🏻…查看更多

價錢相對係K11裡面算平, 平均 $100-$200 一個單點 Burger / 飯/ 粉，另要加一。店內空間好窄，比較嘈，坐得唔舒服，預係食快餐咁，但我無諗過會食唔飽，味道仲要好普通，牛肉好薄，唔算有牛味，食完好似食空氣咁，個 Burger 仲以為係兒童餐，直徑約 8-9cm ，薯條得十條，食完感覺同去Ｍ記食一個廿蚊漢堡餐一樣，一Ｄ都唔比，女仔都唔夠食，薯條仲比Ｍ記少。另外個意粉似 Canteen 質素，非常普通，牛的份量已經係加大了，食完都係完全唔飽。不推薦去食。…查看更多

我係珍珠奶茶愛酷者，個個星期都會飲。但飲來飲去都係某兩間珍珠奶茶店。今日第一次嚟圍方，無乜選擇，見好多人排隊買，就試下飲Comebuy，本身都幾大期望，因為成日見佢d茶機噴晒煙好吸引，見評論又話茶香。今次見咗兩杯半糖炭焙烏龍加厚奶，一杯熱嘅加珍珠，一杯凍嘅加芋圓。$36一杯。兩杯都完全飲唔到茶味或者奶味，只係飲到好稀嘅奶水味，珍珠同芋買都好少。係大杯嘅，但真係好難飲，人生第一次兩個人都各自飲咗一半都無就掉咗。$5都唔值，差👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻唔會再幫襯！！！…查看更多

屋企人生日，一早訂檯搵經理寫餐牌，經理推介了幾款時令海鮮，視覺同味覺都好正。👍🏻👍🏻👍🏻食到好飽，掛住食，後面都唔記得影相。服務都OK，侍應特別照顧老人家，會成日主動幫忙換熱茶。冰鎮南非鮑魚：唔韌，幾鮮甜😋😋😋😋😋清蒸阿拉斯加長腳蟹：　大大隻，隻隻腳都好多肉，好新鮮，正！必食推介😋😋😋😋😋鮮果百花釀鮮元貝：好特別，平時食開通常係炸蝦球，第一次食元貝炸球，成粒大元貝係炸球入面，同埋配埋個水果沙津幾開胃☺️☺️…查看更多

服務差安排更差一早已訂位同屋企人6:30食晚餐，當晚準時到餐廳入座，但侍應話張檯埋梗單，叫我地出門口等等，門口真係好熱，熱到我地出晒汗，又有老人家，企係門口等左15分鐘都未有位。眼見WALK IN客相同人數, 反以入左先! 再入去問個侍應幾時有位，就扮聽唔到，走開左。隔離仲要有兩家都訂左位都等左好耐，全部都話埋梗單執梗檯。最後等左25分鐘先可以入座，要等咁耐咁我訂位黎做乜?!食物質素一般　落單侍應態度都唔好，等左好耐先有人黎落單，我地叫左4個扒餐，連我屋企人食野無乜要求都話個湯差，食糊仔咁，又無乜味。西冷都算有牛味，正常，但唔太熱。野食不過不失，埋單約 $1000。依個價錢我寧願比多少少食 Outbaxk好食好多。臨尾其實好多吉檯，屋企人都未食完，因為上菜唔快，落單又等左好耐，仲好意思話夠 90分鐘，催我地埋單，雖然訂位時有提過限時，但又唔諗下自己幾時落單幾時上菜！入座左75分鐘就話夠鐘。諗住同屋企人開開心心食餐飯，但搞到屋企人成餐飯都食得唔開心！！唔會再去！！！Blacklisted…查看更多

訂了檯中午上班時間飲茶, 因用餐時間唔多, 就打電話要求FAX張點心紙先揀點心, 點知聽電話的姓劉的女接待員拒絕, 並聲稱當日到酒樓先睇, 通多兩句仲直接 CUT線, 服務態度惡劣!第二日直接上茶樓問佢拎點心紙, 都等了5-10分鐘先拎到! 聲稱唔記得! 帝豪價錢唔算平, 中價茶樓, 服務態度竟還比低價酒樓差那麼多, 有得揀都唔會再去! 寧願行遠D!!唔怪得OPENRICE咁多關於服務的劣評!…查看更多

初初見openrice有d食評話麻麻地， 抱住試下嘅心態去食， 點知都幾有驚喜。服務： 有禮貌環境： 一般般，餐廳細坐得密少少，但乾淨同坐得都舒服食物：抵食又好食，叫咗一個2人餐A+B仲送小食，炸物（炸蝦，魚柳，雞塊，薯角）皮薄又脆， 又熱辣辣，薯角就一般，加$21有一杯特飲，蜜瓜乳酪奶昔好好味。出菜都好快。明太子帶子意粉個汁好好味，牛柳都有牛味，7成熟啱啱好，對得起依個價錢，抵食！性價心高，推介會再幫襯。…查看更多

平時食開另一間分店，原本夜晚心情好好咁行完街經過諗起丹麥包就入去食，夜晚6點，店內都仲有幾多位，我兩個人，點個個女職員點我地坐到最入個張望街一日檯，放多張櫈就叫2人座？！ 眼見周圍仲有幾張2人檯話想坐另一張，個好無禮貌嘅女職員話唔得，叫我地出門口排過隊！出面都無人排，依d餐廳永世免費都唔會再入去食！！😡😡😡😡😡😡😡🤬🤬🤬🤬唔洗講野食，今時今日d員工咁嘅服務態度，都唔洗再幫襯！！…查看更多

之前食過太子另一分店覺得唔錯， 點知今次再食差咗好多， 份量又細。兩個人夜晚叫咁兩碟main course, 一份12oz安格斯牛魔王肉眼扒($188), 好細份，無配菜， 夠淋， 味道正常， 無乜大驚喜。👍🏻另一碟叫咁個 Shake Shake 海鮮袋（$168），一個字—— 「伏」， 海鮮完全唔新鮮，又細，得幾塊魷魚，青口，蝦毛，全部都無味，條魷魚仲要酸酸地，個龍蝦汁似好濃嘅KFx蘑菇汁咁， 唔好味， 千其唔好叫。👎🏻👎🏻👎🏻👎🏻加埋一之後，埋單四百蚊，但一d都唔飽，性價比低，唔會再嚟， 講真用4百蚊去 outbaxk食已經好飽又好味。另外，餐廳唔夠人，無乜 service。咁依段時期都明白嘅。…查看更多

第一次睇食評去試飲，飲咗大家推介嘅傳統奶茶，真係幾好味，奶茶+椰奶 perfect match, 舖頭仲有好多款飲品，下次會再去試下其他飲品, 推介依間好飲過好多珍珠奶茶舖。…查看更多

食物：假期2點去食，食物味道ok, 叫咗個豬扒餐， 件豬扒夠大塊，幾脆。但魚柳餐塊魚柳好細同紙咁簿。飲品：分別叫咗三杯凍奶茶，其中兩杯要少冰，一杯少冰少甜，最黎上檯係乜都無分，d冰勁多，d冰佔3/4杯😡😡 成杯奶茶無奶無茶味，得苦味👎🏻👎🏻👎🏻👎🏻衛生：差，d侍應都唔叫都唔抹檯，抹都係掃晒落地，勁污糟。服務：態度唔好，無乜反應，好似未瞓醒咁，唔耐煩咁，但當日餐廳都未坐滿人，唔算好忙。總結：有得揀都唔會再想去。…查看更多