icecreamgal的個人專頁

這是我首回吃這麼一個海膽sashimi，大大隻的海膽原個上，太壯觀了。３個人也覺得這分量是比想像之多，很鮮甜的海膽，與白飯和紫菜最為匹配。另外亦點了其他的魚生刺身，不錯卻沒有這海膽好吃！…查看更多

由於公司在勝向園前兩條街，於是這個實在無法不成為我每星期必吃的東東!!不過要在這裡吃一個午飯，甚至外賣都唔係一件易事，因為人實在係太多，無論係１２點定係２點，都係人頭湧湧。堂食既話要自己搵位，有時都幾混亂；而外賣雖然係比較有秩序，記得行去舖既最入面等落單，但好多時單係等落單都可能花上十至十五分鐘，實在很誇張。呢到既服務質素可以話係零，因為每次都要叫佢地好多次先搵到人幫你落單，甚至係收錢；不過你望到廚房入面既人既繁忙程度，你就知道根本唔可以埋怨o的咩。我最愛吃這裡的蕃茄碎牛炒蛋通及檸蜜脆脆，成碗滿滿既蕃茄真係好好食，而且份量比起一般茶餐廳既通粉都要大，所以好抵食。o向呢到飲檸茶 / 咸檸七佢都會幫你整埋檸檬，好細心～其實食過咁多次之後，我唔會覺得佢地既態度好惡劣，反而你見到有o的阿姐真係好有性格，而且有時仲會講爛gag，幾好笑架～只要你唔好惡死咁對佢，有時lur下佢，話已經等左好耐，就快餓死～佢都唔係咁無人性既!! 哈，大家要俾多點耐性呢。雖然每次等位/等外賣都真係等到死～不過，值得，因為好好味!!…查看更多

雖然環境布置並不是豪裝那一類，不過更有親切的感覺。試過這裡的帶子壽司之後，你一定會迷上，因為帶子真的肥大肉厚，足以將整舊壽司飯蓋著，實在好有咬口，而且新鮮肥味。另外吞拿魚壽司亦非常美味，這裡的魚生實在很新鮮，不得不提是很多熟客都一定必選的"唔知點卷"，名字雖然古怪，但亦好有特色，其實是這裡的師傅在銅鑼灣店尚未開設的時候，想多作嘗試創新口味，而將數種材料混合一起作壽司卷，最後乾脆叫做"唔知點卷"，有趣又有代表性。除左壽司，我和鄺生還選了一些熱食，鵪鶉蛋串燒純熟個人喜好，不過煙煙un un，好味!!另外佢既牛肉鍋都很不錯!!至於我見到這裡大家對服務的評價，實在不太認同，侍應生態度都很不錯呢，上菜速度亦不算慢，可能是午市時候達不到大家想要的 rush lunch 速度不，不過這頓晚餐實在很不錯，價錢亦相當合理。…查看更多