為食美少女2014的個人專頁

前兩日食果碟豉椒鮮由炒麵，味道都叫合格啦！不過，佢杯凍檸茶依然都係...，叫少冰就變多冰(比平時仲要多一倍)，叫少甜就變成超甜...，我朋友叫既咖啡，太多奶，實在唔太好。其實，我個人認為，作為一間茶餐廳，首要既事就係沖出黎既茶啡要得，即水滾茶靚、糖奶份量要適中。但離間餐廳既茶水，我個人認為係近離半年才好些。食品味道方面，只能說是不過不失。(如果有大廚當值果日會好d，因為我親身試過味道，有大廚當值果日所炒出來食品既味道，真係要俾like個大廚。但可惜都唔知邊日先至係大廚當值日子呢...)…查看更多

今日公司早收工，又唔想禁快返屋企，於是去左荃灣愉景的starbucks飲咖啡，為今晚漫長既團年飯充電一下。叫左杯ice latte，奶味足夠，啡與奶的比例總算配合得到，飲第一啖都無咩問題，但再細飲時，唔知係咪因為當時煮啡既職員邊傾邊煮，煮啡煮過左時間關係，總覺會有d微苦帶燶的味…，而少了latte應有的香滑。令到這杯啡略有美中不足之處……環境方面，地方都唔錯，一邊聽音樂，一邊品啡，是其一個賣點，但座位方面略欠整潔，多個坐位台面仍有上一位客人的殘餘垃圾，當時職員大約四位，一人沖啡，一人沖茶，另外兩位…，不斷聊天，但沒理會店面清潔狀況，最後我要作為客人自己執干淨才能坐! 個人認為，這是另一個該店需改進之處。…查看更多

今日偶爾經過，原本想去附近另一間米線店的，但經過這店睇時，覺得離間款式種類較多，又係新開唔太耐，於是入去一試。既然離間其中一個主題係以米線作為主打之一，於是我就試左過以沙X湯底的米線，不錯，這裡的沙X湯底配搭唔錯，好野味。店內環境都唔錯，夠光猛，店內環境衛生，侍應服務態度都唔錯，值得各位一試的。…查看更多

今日趁lunch hour時間，因為有d事要做，所以就去左綠陽坊，但可惜都係做唔到，之後就見反正肚餓，就去左綠楊坊既「自家烏冬」食lunch~去到之後，就叫左個$6x既一人餐食(未計加一)，有主食+小食+飲品雞肉咖喱湯烏冬  Chicken Udon in Curry Soup七味炸雞  Japanese Deep Fried Chicken大約等左5-10分鐘，所有野食連跟餐汽水都到齊，烏冬唔錯,幾好味，食落口覺得烏冬較滑，但滑得黎又有點煙勒，口感唔錯，該店說佢地店的烏冬都係每日自家整的，無加任何味精或添加劑。雖然唔知係咪真，但真係幾好食。至於烏冬湯底方面，對我個人黎講，湯式味道較濃傑，如稍為稀少許，效果或會更理想。不過湯底都幾好，咖喱味足夠，而雞肉係去晒皮，才加入烏冬，符合到健康既要求，佢地既雞肉主要都好似係以雞胸肉為主(詳情請看烏冬相)。食完烏冬之後，就論到食跟餐既小食了，我食離個既時候，初初有幾秒唔明白，點解個炸雞要加沙律醬？後來才發現，只有七味粉的雞件唔夠味，較寡，之後我點埋佢地準備好既沙律醬後，唔，口感改變了，七味粉+沙律醬配合後，唔單只無左寡既感覺，咬落去仲覺得有份量，超好食~講完食，大約都講下店內環境，店內環境整體來說，都算唔錯，夠干淨，地方都有返禁上下大。而侍應既服務態度都唔錯，下次如果再機會，經過附近時都會再去食的！各位亦可去試試~…查看更多

今晚同朋友食完餐晚飯後，仲味夠飽，結果去左離間甜品店食。其實，離間甜品店並唔係我第一次食了，離間甜品店無論起味道同質數方面都能夠keep住一定水準，都唔錯的。今晚我試左佢地既鴛鴦湯圓(牛奶湯底)。可能聽到既人會話：吓？食湯圓要配牛奶湯底？得唔得架？食完會唔會有問題架？但我可以講，唔單只無問題，仲好好味添！花生湯圓+芝麻湯圓，再配上牛奶湯底，唔單只令到湯底無左一種好掛既感覺，仲令到湯圓本身更香滑。但香滑得黎，不失湯圓本身原有味道，真係值得一試的。我朋友食左個燉蛋，燉蛋味道本身都唔錯的，不過唔知點解總覺得唔係太夠熱...，我意思係話，唔係唔熱，只係唔係果種熱到真係辣手既地步，食既時候都仲係暖熱的。(或者可能係我咀尖掛...)至於店舖環境方面都唔錯，坐得幾舒服，職員服務態度亦唔錯，價錢方面亦屬合理，分分鐘真係好食過大集團既連所甜品店，係值得各位尚未試過的可去試，試過覺唔錯的可再去食。值得一讚！總結：每次起到食完甜品後，總會有一種滿足既感覺，今次都唔例外！…查看更多