影片
更多
2018-12-11
759 瀏覽
自從地下鐵通車後，出入香港仔真的方便了，由黃竹坑站信步去如心酒店，都不過十分鐘的腳程，其實相當就腳。 其實，自助餐市場的競爭一向大，上次的四川口味的確有點新意，月前又以蟹類作主打。 推介每次都會選擇部份較出色或主題菜色，今次都不會例外。 蟹肉花雕蒸蛋白蛋白蒸得啱啱好，蟹肉鮮甜，散發淡淡酒香，好味。 鮮茄蓉蟹紅磡有間火鍋店，以番茄花蟹作鍋底，結果大受歡迎，家陣用上麵包蟹，味道更加濃郁，而且味道好夾。 九層塔咖喱香辣肉蟹個人最鍾意既一道菜，充滿了泰式風情，咖喱香辣，但不過份，反而刺激了食慾。 薑蔥三點蟹很傳統的煮法，夠鑊氣，不論用肉蟹、膏蟹，甚至花蟹都適合，薑蔥沾上了蟹汁，非常惹味。 避風塘炒肉蟹更進一步，炸過的蒜茸好香口，陣陣辛辣口感，又是另一番風味。 炸蟹鉗 熱辣辣，比起酒宴中體形較細，也好一口一件，而且好彈牙， 正。 蟹粥廣東開花粥底既綿又滑，蟹肉汁溶入粥底，夠晒甜滑，單是粥底，已經足以呷上一碗。 另外，每位顧客贈送一份黃金乳蛋野菌蟹蓋，或黑松露焗釀蟹蓋。 生蠔選用美國生蠔，體形適中，蠔味稍微淡了一點，還是不錯。海鮮
其實，自助餐市場的競爭一向大，上次的四川口味的確有點新意，月前又以蟹類作主打。
推介
每次都會選擇部份較出色或主題菜色，今次都不會例外。
蟹肉花雕蒸蛋白
蛋白蒸得啱啱好，蟹肉鮮甜，散發淡淡酒香，好味。
鮮茄蓉蟹
紅磡有間火鍋店，以番茄花蟹作鍋底，結果大受歡迎，家陣用上麵包蟹，味道更加濃郁，而且味道好夾。
九層塔咖喱香辣肉蟹
個人最鍾意既一道菜，充滿了泰式風情，咖喱香辣，但不過份，反而刺激了食慾。
薑蔥三點蟹
很傳統的煮法，夠鑊氣，不論用肉蟹、膏蟹，甚至花蟹都適合，薑蔥沾上了蟹汁，非常惹味。
避風塘炒肉蟹
更進一步，炸過的蒜茸好香口，陣陣辛辣口感，又是另一番風味。
炸蟹鉗
熱辣辣，比起酒宴中體形較細，也好一口一件，而且好彈牙，
正。
蟹粥
廣東開花粥底既綿又滑，蟹肉汁溶入粥底，夠晒甜滑，單是粥底，已經足以呷上一碗。
另外，每位顧客贈送一份黃金乳蛋野菌蟹蓋，或黑松露焗釀蟹蓋。
生蠔選用美國生蠔，體形適中，蠔味稍微淡了一點，還是不錯。
海鮮
有比較少見而清甜既三點蟹、Buffet常客鱈場蟹腳、藍青口及凍蝦，每樣食少少，因為仲有好多野食要留肚。
刺身
有三文魚、吞拿魚、玉子、希靈魚及鯛魚。
壽司
有螺片、三文魚、魷魚、希靈魚、蝦及炙三文魚，不過今次主題係蟹，所以都盡量把胃納放在各種蟹類菜色之上。
熱葷
其實餐廳既中菜好啱自己胃口。
清蒸大海斑火喉啱啱好，肉質嫩滑，難怪好快食到見骨。
香草燒羊架
不會過熟，羊味輕盈，不錯。
金梅烤骨
差不多是餐廳名物，充滿了肉香，口感豐腴，用來佐酒更加正。
鎮江骨
陳醋下得重手，酸酸地平衡了油膩感，又是送酒良伴。
另外，仲有XO 醬雞球炒蝦仁、咖哩魚丸及沙薑雞腳。
鐵板燒
負責的阿姐好有心機，客人點了肉類然後先煎，而非每次煎定一大盤等人拎，所以肉質與熱度，都在最佳狀態，雖然有牛扒、豬扒、雞扒及德國腸，個人推薦牛扒及雞扒，不單味道不錯，而且生熟度恰好。
炸物
有叉燒酥、炸雞扒、日式炸豬扒、春卷及咖哩角。
灼料吧
麵底有米線及米粉選擇，配以豬骨湯及雞湯，至餸就有水魷、魚蛋、貢丸、豆卜、魚片、豬皮、牛柏葉及龍蝦丸，都是些比較大路的食材，友儕間都知自己每次食Buffet，都要來碗麵，今次都不例外，總之是不過不失。
湯
蟹肉濃湯
一向鍾情中湯，但今次真係好濃郁，而且蟹肉比較多，所以味道幾出，好飲。
粉葛鯪魚赤小豆煲唐排
夠火喉，湯料的味道都溶入湯裡面，近排經常夜訓，的確好啱下火。
沙律
基本上以自家製沙律為主，有鷹嘴豆、泡菜、車厘茄、黑木耳、粟米、紅腰豆、螺絲粉、紅葉菜、菠菜、紅橡葉菜、紅生菜、羽衣甘藍及紅椰菜，好啱食得健康既朋友。
另外，有蟹肉凱撒沙律及薯仔沙律，懶得自家製既人，大可試試。
Cold Cut
有煙鴨胸、煙雞肉、煙三文魚卷、蟹肉綠茶冷麵及蕎麥麵。
甜品
首推廚師精選既蛋白杏仁茶，甜而不膩，質感滑溜芳香，對女士夠滋補。
至於Movenpick雪糕，就有雲呢拿及瑞士朱古力味道。
當然有小朋友鐘意既朱古力噴泉。
其他甜品有香梨慕絲配檸檬蛋糕、椰子菠蘿慕絲蛋糕、黑森林慕斯蛋糕、紐約芝士餅、黑糖意大利芝士杯、班蘭布甸、鮮果杏仁豆腐、芒果布甸、藍莓蒟蒻果凍、柚子蘆薈啫喱、黑糖珍珠奶茶布甸、黑糖桂花糕、焗麵包布甸、柚子蜜脆蛋散、 紅棗雪耳雪梨燉桃膠及迷你煎堆。
飲品
有蘋果汁、橙汁、英式紅茶、薄荷茶、洋甘菊茶及伯爵茶
仲有咖啡機，提供 Espresso、Coffee、Cappucino及Caffe Latte，種類夠多，大人細路都有合心意的。
但近日快到聖誕節，未知又有什麼新口味?
P.S : 10位以上惠顧自助晚餐，可獲贈1.5kg斧頭扒或法式燒羊架乙客 (二選一)，18位以上更可同時享有兩款美食。
張貼
