360°旋轉餐廳

今日放大假同媽媽去澳門一天遊，我地買了套票，可以遊觀光塔同係入面食自助餐。我地選了11:30-1:00個場，因為方便我們食完再去澳門自遊行~
首先當然繞場行一圈，真係好多食物，不停的影食物相，除左風景靚，食物整得咁靚都會令到心情愉快一點。

好多不同款式的沙律

在場有很多沙律，不同的款式，適合鐘意食沙律的女士~

不同的麵底不同的餸

這個區域以為無咩人，點知很多人都去拎一碗麵食，可以選好多餸，我選左菜，冬菇，芽菜油麵，用豬肉丸湯。麵的份量不太多，麵不太硬，只是冬菇不太新鮮。

好好味~

這個蟲草花雞絲粥真係好好食，好甜，當食完一碗想要多碗的時候，已經無哂了，要同人爭食~這是個值得推介的食物。

壽司

壽司，款式比較少，以為去到有刺身，點知無...有點失望。

整得好精緻

1

甜品

甜品好靚，不禁的影了很多相片。睇到侍應好用心的係一邊幫甜品排靚靚~^^

2

甜品

這款甜品係我在那麼多甜品中，只係試了這款，個Mousse好正，係木槺較多，相比下Mousse比較少，不過係好食的。都唔會有好漏的感覺。

水果及甜品

至於生果係好鮮甜同好新鮮，食左幾轉火龍果，蕃茄仔，仲有啫喱糖，好食~

當然唔止咁少食物，雞、燒賣、珍珠雞(好食過係酒樓食)、炸蝦丸(啖啖蝦肉)、春卷(好脆)、焗薯(把薯仔整到一粒粒，易食又好有牛油薯仔的味道)，總結來說，食物絕對唔比香港的自助餐差，同埋係旋轉餐廳，食食下覺得點解會轉，轉得好慢都唔會話暈，可以睇到哂成個澳門的風景，真係好正~將平時工作的勞碌、緊張的心情，可以暫時的放下，只享受現場的美食和風景，享受這生活。