360°旋轉餐廳

營業中

休息中

上網見到 原來澳門旅遊塔 有雙人high tea 下午茶 仲要 吾貴kkday $310 就有得食下午茶餐 仲包埋 旅遊塔門票有得玩又有得食。上到最高層 俯瞰成個澳門靚景 好靚呀G一路嘆住high tea 望住個靚景 勁chill。下午茶餐蛋糕同鹹點都幾精緻。仲送一杯棉花糖飲品 岩哂打卡

朋友黎左澳門玩，帶住bb又唔方便同人逼，於是就同佢揀左觀光塔頂層個下午茶😊舒舒服服，邊食邊欣賞澳門風景🌆環境：當日好好天，所以旋轉餐廳轉到某啲角度都幾曬☀️🔥但下午茶當日唔算多人，小朋友周圍走動，都唔驚撞親人打擾人🏃🏻‍♀️食物：由於佢真係好抵😂唔洗2百蚊就有個2人set,所以唔好期望太多！鹹點甜點生果都有，最特別係有小點心蒸籠上，仲有澳門特色小食馬介休球🧃飲品則係普通汽水機出既奶茶、咖啡，但總括性價比都高🅰️服務：職員帶完位、俾埋食物就會消息左😂見佢地比較集中忙夜晚個buffet,所以下午茶感覺係加插賺外塊🙈價錢：網上買套票二人下午茶（$195）

之前諗住嚟澳門旅遊塔觀光，另一半就提議可以試吓間旋轉餐廳自助餐。上網訂位先發覺原來午餐好抵，兩個人都唔使$500。由於我哋係星期一去食午餐，所以唔多人，因此坐到窗邊位。雖然個旋轉餐廳係轉得好慢，其實成個午市都冇轉到兩個圈 但係如果有啲人係容易暈嘅話，我建議你唔好坐倒頭位。嗰日能見度同天色都好好，基本上成個氹仔澳門橫琴嘅景色都一覽無遺，連港珠澳大橋都可以望到。去到某個位，甚至可以同玩笨豬跳嘅人，只係相隔咗一塊玻璃，望住佢哋鼓起勇氣由1000尺嘅地方直奔地面，都幾震撼。我要承認，我嗰日其實專注欣賞景色多過食嘢。我個人覺得啲食物都係同其他自助餐餐廳差唔多，有海鮮、魚生、熱盤、甜品、生果等等。我個人就覺得啲海鮮唔算太新鮮，不過當然呢個價錢就唔應該有太高要求，主要其實都係食個景嘅啫。午市限時90分鐘，會有少少趕，所以千祈唔好遲到。

嘢食相當豐富，我最鍾意食三文魚+燒物‼️.🎀三文魚刺身食落好鮮甜，好有三文魚香🧡，煙煙韌韌 幾好食；煙三文魚嘅煙燻味唔會好重 鹹鹹地咁😋😋另外都有啲海鮮嘅🦪🦪生蠔唔好食的❌….🎀燒物即係有：燒牛肉、羊架、豬頸肉、腸🔥啲肉燒到好juicy可口，熟度剛好，好有碳香😝😝係咁食🐷🐮羊架就…如果唔新鮮嗰啲 羶味更突顯🐑🥹.🎀炸物我淨係食咗炸芝士，有驚喜‼️原來係蝦球嚟，核心先係流心芝士🫕🦐外層酥脆，內在好有鹹香 多層次口感～😙😙.🎀Pizza就普通少少🤏🏽焗得好脆身，焦焦地咁🍕蝦薄餅好似食緊麵粉😂😂蝦味偏淡.🎀甜品方面，我淨係食咗vanilla雪糕、tiramisu、水果🍉、葡撻，全部都係甜甜地 幾好食，份量剛好👌🏻葡撻好酥脆，蛋味偏少 焦糖味十足💛。有啲甜品嘅口味都好特別嘅（不過我冇特別想試），例如橙味嘅燉蛋🤔.好鍾意呢度唔多人 好有空間感🥹👍🏻間餐廳會旋轉 以360度睇曬成個澳門(+少少大陸) 之夜景🌃。一入嚟就有職員倒香檳+火龍果汁比自己🥂，又送紀念品🧩，有種被重視嘅感覺👍🏻👍🏻唯一缺點就係呢度有啲偏僻，等車等好耐🥲🚗

因之前訂好食下午1:30中午自助餐。先食自助餐，之後再去觀光塔內觀光。食用時間一個半小時。進入360 café 前要給職員展示Klook QR碼。旋轉餐廳有個好處，安坐一邊食，一邊欣賞澳門美景。食助餐緊記，每一碟只許屬於一個國籍的美食。這種食法可食到該國美食既原味。豬展湯及雪梨湯。豬展湯香濃，雪利湯清甜。第一碟，中式，糯米雞加炒飯再加炒麵。糯米雞好美味。炒飯及炒麵有葡式風味。第二碟泰式沙律。好鮮甜開胃，當中有章魚肉。屬海鮮沙律。第三碟日式。賣相滿分。入口清新美味。第四碟中式。雞肉鮮嫩。春卷及豬展卷好味。豬展卷肉汁好充足。餃子美味。第五碗湯麵。油麵加龍蝦丸加魚蛋。日式豬骨湯底。香濃美味。油麵加龍蝦丸加魚蛋彈牙。龍蝦丸帶甜味。第六碟水果。新鮮水果。西瓜及菠蘿好甜。第七碟甜品。雲呢拿加朱古力雪糕。好味。泰式凍奶好新奇。有黑珠，帶點珍珠奶茶味。

以前每次去澳門自助餐係必食之一，原因當然係價錢比香港優惠喇！疫情3年冇去過澳門，咁耐冇去復活節假期當然要走一轉喇！今次已經係我第二次去呢間餐廳食自助餐，對上一次已經係11年前既事。出發前預先向 kkday訂購自助午餐連觀光塔套票。小朋友到達餐廳後好興奮，因為第一次一路食飯一路睇風景，餐廳會360度轉對第一次去既人黎講確實會好新奇。當日天氣唔算好好，冇落雨但陰陰天。從落地玻璃望出去能見度比較低。食物就確實唔好抱太大期望，普通自助餐有既食物都有提供，種類不多，味道當然亦係一般。但值得一讚係甜品有澳門出名既迷你葡撻，罐裝汽水亦可以任飲總括而言，食物質素一般但勝在有環境補救。大人細路都食得開心！

疫情後咁耐冇去澳門，終於有機會去，梗係要去觀光塔食自助餐。澳門旅遊塔360°旋轉餐廳慢慢旋轉打造360° 景觀。坐電梯上去已經見到澳門景色。坐低之後澳門景觀一覽無遺。座位非常闊落。手工拉麵現場製作，工格一流。手工拉麵囗感彈牙。魚生非常新鮮。牛扒肉嫩多汁。餐湯熱辣辣，非常鮮甜。仲有多款冷盤。小朋友最愛嘅薄餅。甜品絕對唔少得。

雖然之前都去過幾次澳門，但跟朋友說起才發現大家都沒去過遊客必去的澳門旅遊塔，那一於去位於旅遊塔的60樓360 °旋轉餐廳吃個午餐，餐廳每一個半小時旋轉一圈，隨著餐廳的慢慢旋轉，大家可以用平時看不到的角度去欣賞澳門的景色，不管是日景和夜景都值得一看. 說回旋轉餐廳，餐廳是自助餐形式(每1.5小時一節)，剛剛好是轉一圈的時間，食物個人覺得一般(款式不多但味道正常) ，不過多數上旅遊塔餐廳的都不至在吃飯，在跟朋友聊聊天賞賞景就夠寫意，如果運氣好在食飯中途會看到61樓的觀光層有人跳笨豬跳，光是看看都覺得很刺激，呀Ju有拍到小姐姐跳下去的畫面<3 給小姐姐的勇氣鼓掌~~~如果大家有興趣去旋轉餐廳吃飯，我建議先在Trip.com/Klook預定好，不怕去到沒位置之餘價格亦比較便宜，例如我在即場看到自助午餐含觀光層票要$528，但預先訂購只需$280，價格是真的差很遠，給大家參考一下.

上至海鮮唔新鮮，叫個湯麵都淡而無味，甜品味道奇怪⋯我連似橙汁都飲得出溝左好多水不過環境唔錯睇到人玩笨豬跳，都幾乾淨服務都算唔錯，收碟快但有啲凍，食物都直情唔夠熱所以超級唔推薦人黎啦！我已經上網早預約左買晒飛平左都覺得唔值

已很久沒到澳門。 今次難得可在聖誕節假期前去, 那當然要再去澳門旅遊觀光塔六十樓的旋轉餐廳。 一來可享用豐富的自助午餐, 二來可飽覽澳門景色。 環境依舊整潔。 安頓下來後, 隨即走去看看現在提供食物的種類和質素如何。走了一圈，有點兒失望。 種類不太多, 沒有海鮮, 也沒有魚生。 但回想, 此自助午餐收費不足三百元, 那就不應要求那麼多了。湯有兩款 : 脆乾葱椰香牛肉湯和葡式薯蓉青菜湯。 前者味道淡淡的, 後者較為好一點。烤牛肉和烤豬柳要待職員切出及放上你的碟上。 烤牛肉最美味, 肉汁多及嫩滑。 但烤豬柳肉「鞋」及沒甚味道。 熱葷和中式蒸籠食物。日本類食品只有壽司, 賣相不吸引。印度食物不錯, 尤其是咖哩羊肉丶印度薄脆和烤餅, 味道很正宗呢。沙律有多款式。甜品味道一般。飲品類的凍飲有橙汁和罐裝汔水, 熱飲有咖啡和朱古力。那天客人不算多, 故基本上是不用排隊, 便可輕鬆選取食物。

趁連放假期，近近地到澳門一遊，晚餐想食得舒服，而澳門塔起好咁耐都未去過，於是預早已經響香港買了自助餐劵。去澳門塔真係好方便，好多巴士都到。。。坐低後每枱會有一海鮮併盤，其他食物質數都唔差，加上景觀十分好，只是當晚冷氣太大，食了兩個鐘左右太凍要走人！

距離上一次到訪，已經有10多年時間，今次黎到澳門，想再黎多次，重拾童年回憶。位於旅遊塔60樓嘅360 Cafe ,係全澳門最高、獨一無二嘅360旋轉餐廳。餐廳會大約個半鐘頭旋轉一圈，隨着餐廳慢慢旋轉，可飽覽澳門美不勝收嘅碎人景致。從旅遊塔60樓望出去，除咗可以見到澳門嘅景色之外，仲可以望到其他遊客玩笨豬跳同埋空中漫步嘅情景。自助餐除咗提供地道嘅葡國菜同中菜之外，仲有印度同日本等等既美食。不過最失望既係無海鮮同刺身。甜品雖然款式好多，但係每一件都好大份，所以試到嘅款式唔多，建議餐廳每份甜品可以再切得細分啲，咁客人就可以品嚐多幾款唔同嘅食物啦。預先喺旅遊網頁上買餐券，除咗可以以優惠價品嚐自助餐之外，仲包埋去旅遊塔其他樓層，更加近距離去睇遊客玩搵笨豬跳同埋空中慢步啦。總括來講，呢度食物選擇同質素都係一半，以二百幾蚊呢個價錢絕對可以搵到更加好嘅自助餐，如果唔係有靚景搭救，我絕對會非常失望。

雖然走的是樸實風，不過應daddy、mommy要求，還是在旅遊塔book咗一餐自助餐。提前係hopetrip度訂咗，4個人旅遊塔門票加360 cafe自助晚餐先1600左右，都幾抵下。提前訂嘅好做就係仲免費送咗一份海鮮拼盤。餐廳在旅遊塔的60層，視野非常好，全落地玻璃360°旋轉。生魚片區有壽司握壽司也有現切生魚片，熟食區的餐點表現的也不錯 ，滋味也算是可圈可點。這間餐廳提供的料理都幾豐富下，中式、印度、葡式都有，只可惜我們的戰鬥力真的太弱。

出發去澳門旅遊塔high tea!!! 旅遊塔位於澳門市區，係利澳酒店有巴士可直達旅遊塔門口。 首先，我們上去旅遊塔嘅360° 旋轉餐廳食個high tea set先。360° 旋轉餐廳位於澳門旅遊塔的 60 樓，提供自助午餐、下午茶套餐和自助晚餐。 上到去都唔算多人，仲有d吉位, 環境舒適 大部分嘅坐位都可以飽覽澳門的美景，也可遠眺珠海風景。我們之前係中旅社訂嘅套票已包high tea餐劵，用餐時間係1530-1700，時間相當充裕。 好喇，睇吓有咩食先。 呢度嘅High tea set 都係分三層，分別有蛋糕，慕絲，中西甜品和水果，另外仲有一碟精緻的小食。High tea set 以甜點為主，啱晒喜歡食甜品嘅余媽媽 份量都足夠兩個人食，而且味道都唔錯，有80分。 大家仲可以自己到水吧攞野飲，係自助的，可選檸茶，檸水，咖啡，奶茶，紅茶，冷熱均可。雖然飲品款式冇咩特別，但勝在無限添飲。 大家如果見睇風景睇得悶, 可以看看窗外不時有人玩空中漫步，食住睇, 都幾有趣！

男友生日，之前左唸右唸點慶祝好，都幾年無黎過澳門咪決定黎澳門同男友慶祝生日，而朋友介紹哩間360澳門旅遊塔既自助餐廳話唔錯，又有景睇食物又唔錯所以就決定黎！一入到門口就先見到甜品😍好精美又多款式選擇有我最愛既咖啡，放底袋就黎拎野飲先我最愛既喇沙湯麵，味道一般，唔夠Spicy..但其他配料都還可以甜品我最愛就無個果仁撻，好多款不用的果仁混合埋一齊，好爽口，好好味丫😍個朱古力慕絲好香滑口感一流甜味適中！