影片
更多
2008-10-06
48 瀏覽
眾裏尋他千百度，驀然回首，那人卻在，燈火闌珊處。當晩想尋找未曾去過的地道葡國菜，由葡京一路走去大馬路，一路想，不如去九如坊，就在議事庭附近，其實幾難找，全靠記憶，好不容意才找到，裝修已普通，小木椅小木枱，細細張無枱布，好擠逼，取餐牌一看，主菜差又多要MOP200元，我們不如回陸軍俱樂部，起身走人，正當走到大馬路行到PIZZA HUT及周大福附近，有條石樓梯，在昏暗燈光，有一線的燈光從白色木門玻璃透出來，再舉頭看見Reservation隱約的布帘，係餐廳，好開心有新發現，一走上前推開門，西式宫庭牆燈，白色枱布，只剩二張枱有人，有二張枱食完未清理的碟，一大堆，好似好好味，隻隻碟都無嘢剩，除咗食剩蜆殼。我們上咗二樓，看了餐牌，普遍都是幾十塊頭盤、百幾元主菜，問問老闆娘(我估佢係)，有甚麼好推介，馬介休(唯靈讚過)，咖哩都唔錯，我們就ORDER馬介休球，青檸檬煮蜆，咖哩蟹。之後，待應首先捧上熱烘烘的豬仔飽，外脆卜卜內軟，好久沒有在這樣的西餐廳食過。馬介休球MOP45-真係唔錯，看上去好似燶咗些，但咬落去又是外香內鬆軟，味到唔錯，又好過以前食過的葡國餐廳。青檸檬煮蜆MOP78，好新鮮，只有幾隻有
當晩想尋找未曾去過的地道葡國菜，由葡京一路走去大馬路，一路想，不如去九如坊，就在議事庭附近，其實幾難找，全靠記憶，好不容意才找到，裝修已普通，小木椅小木枱，細細張無枱布，好擠逼，取餐牌一看，主菜差又多要MOP200元，我們不如回陸軍俱樂部，起身走人，正當走到大馬路行到PIZZA HUT及周大福附近，有條石樓梯，在昏暗燈光，有一線的燈光從白色木門玻璃透出來，再舉頭看見Reservation隱約的布帘，係餐廳，好開心有新發現，一走上前推開門，西式宫庭牆燈，白色枱布，只剩二張枱有人，有二張枱食完未清理的碟，一大堆，好似好好味，隻隻碟都無嘢剩，除咗食剩蜆殼。
我們上咗二樓，看了餐牌，普遍都是幾十塊頭盤、百幾元主菜，問問老闆娘(我估佢係)，有甚麼好推介，馬介休(唯靈讚過)，咖哩都唔錯，我們就ORDER馬介休球，青檸檬煮蜆，咖哩蟹。
之後，待應首先捧上熱烘烘的豬仔飽，外脆卜卜內軟，好久沒有在這樣的西餐廳食過。
馬介休球MOP45-真係唔錯，看上去好似燶咗些，但咬落去又是外香內鬆軟，味到唔錯，又好過以前食過的葡國餐廳。
青檸檬煮蜆MOP78，好新鮮，只有幾隻有沙，清新味，食得多白酒煮蜆，轉吓口味也不錯。
咖哩蟹MOP280，唔係好辣，夠滑(賣點)，蟹夠肥美，欠香-加多此大塊洋蔥可能好些。因為開心無問價錢，埋單先知價，而咖哩蝦MOP138，相佢幾遠。
叫咗支375MLVasco Tinto(葡國紅酒)MOP85。
只因開心，跟老闆娘聊天，問吓佢開幾時開業，問吓佢每晚做到幾點，點解現在只剩二枱客(當時約十時)，此間大宅怎樣買; 老闆娘跟我說開咗三年，每日大約做到十一點，自從發生AIG之後，客人就少咗，之前做到十一點，無得休息，這間大宅是唔賣，只收租，上面有兩層，租比人做FUNCTION，開PARTY，婚宴。又問佢唔見餐廳賣廣告，佢話是在網上賣，有好多日本人及韓國人來光顧。佢又告訴我們電影-桃色，都是在此處拍，但當時餐廳都未開，係客人告訴佢。
餐廳的食物、環境，樣樣都唔錯，如果將餐廳音樂由英文歌攺播法國音樂，或且播花樣年華、2046的音樂，會增加異國情調的氣氛，更加有特色，更令我有夢的感覺。
張貼
