影片
更多
2019-07-19
112 瀏覽
今晚同家人慶生，父母都愛熱食/火鍋，我地就喜歡日式刺身、壽司、炸物料理.......放題，所以揀左呢間2樣都有的牛の鍋，可以一次過滿足大家食慾。日本刺身壽司料理+火鍋+即製甜品，2小時任食任飲 $218/位，有八款火鍋湯底選擇，除左點食物紙，蔬菜/飲品....可自取。參鬚杞子火腿雞湯鍋，湯底都有好多參鬚，淡淡雞湯味唔會膩，仲有紅棗杞子等藥材。胡椒豬肚湯鍋，好多酸菜同豬肚，而且唔會好辣，但豬肚偏硬，整體味道不錯。醬料區有生蒜、辣椒、蔥花、炸蒜、芫茜、辣油、醬油、醋汁、芝麻醬......基本選擇都有齊。刺身有十款，三文魚厚切肥美油潤，帶子鮮甜嫩滑，赤貝極之爽脆甘甜，有頭甜蝦也很柔嫩甜美。壽司/手卷/軍艦有14款，其中的黑松露帶子真係又香又好味，帶子超大隻又嫩，火炙芝士蝦壽司，經炙燒過芝士都好香加上熟蝦味道都好正。花之戀非常美味，唔單上用厚切三文魚，仲落好多蟹籽，加埋沙律醬，好邪惡但好正，仲叫左2 round 黎食。食完刺身壽司，個湯底都滾起可以食火鍋。美國極上牛肉，唔會好肥，正因為脂肪少，所以牛肉味特別濃，薄片口感會較嫩。美國牛肉脂肪豐富，入口有油香，半脂半肉口感就是肥牛。紐西蘭羊肩肉，也
日本刺身壽司料理+火鍋+即製甜品，2小時任食任飲 $218/位，有八款火鍋湯底選擇，除左點食物紙，蔬菜/飲品....可自取。
參鬚杞子火腿雞湯鍋，湯底都有好多參鬚，淡淡雞湯味唔會膩，仲有紅棗杞子等藥材。
胡椒豬肚湯鍋，好多酸菜同豬肚，而且唔會好辣，但豬肚偏硬，整體味道不錯。醬料區有生蒜、辣椒、蔥花、炸蒜、芫茜、辣油、醬油、醋汁、芝麻醬......基本選擇都有齊。
刺身有十款，三文魚厚切肥美油潤，帶子鮮甜嫩滑，赤貝極之爽脆甘甜，有頭甜蝦也很柔嫩甜美。
壽司/手卷/軍艦有14款，其中的黑松露帶子真係又香又好味，帶子超大隻又嫩，火炙芝士蝦壽司，經炙燒過芝士都好香加上熟蝦味道都好正。
花之戀非常美味，唔單上用厚切三文魚，仲落好多蟹籽，加埋沙律醬，好邪惡但好正，仲叫左2 round 黎食。
食完刺身壽司，個湯底都滾起可以食火鍋。美國極上牛肉，唔會好肥，正因為脂肪少，所以牛肉味特別濃，薄片口感會較嫩。
美國牛肉脂肪豐富，入口有油香，半脂半肉口感就是肥牛。
紐西蘭羊肩肉，也是半肥瘦的口感，羊味突出帶點微微的羊羶。
特選豚肉是五花腩的位置，油份豐富，豚肉有彈性，用來沾芝麻醬食就最正。
火鍋料仲有多款海鮮，而印尼海蝦好爽彈又新鮮，仲好大隻啖啖肉，日本廣島蠔都係用尺寸較大的，火鍋涮熟也不會縮太細，仲好飽滿肥美有蠔味，墨魚滑份量較少，要點多幾份，不過口感超讚，好彈牙又重墨魚味。
丸類、餃類同豆腐都用食物紙點，幾方便而且出食物都準確無誤。川辣牛丸有少少辣又夠爽口，響鈴係我必點，吸哂湯汁味道好，魚皮餃都好彈好有味，唔會散哂糊哂。
蔬菜及菇類就可以自助出去取，我地主要都係食菜，可以平衡一下肉食的膩感。
選擇真係好多，金菇好爽，秀珍菇、冬菇、雞脾菇......都吸到湯既味，好好食，而且乾淨整齊。
蔬菜都有好多款，娃娃菜、唐生菜、白菜、菜芯......，仲有瓜類、粟米、芋頭、南瓜、豆卜、粉絲、麵.....，要同家人一齊出去夾多幾圈互動一下。
中途點了串燒及炸物，雞軟骨好脆好好咬，串燒雞脾肉好香又啖啖肉，燒菠蘿好香好甜。
醬汁牛舌超入味，仲好腍好好食，醬汁金菇牛肉卷就一般。
黃金炸生蠔熱辣辣，好多蠔汁同蠔味重，炸得好好唔會乾，芝麻雞翼幾香口。
大家都讚又想食多幾次的榴槤炸蛋，一咬開爆醬榴槤，陣陣榴槤香，又甜又好味，只係會膩所以食唔到太多。
任飲汽水有幾款，仲有果汁及茶，最正係呢度有啤酒任飲，真係好岩串燒炸物送啤酒，還有自助沖泡熱茶。
最後要掃哂d甜品，餐廳出名的即製甜品，而且甜品款式有16款之多。宇治抹茶芭菲由數層材料組合而成，抹茶味濃郁有茶甘的軟雪糕配煙韌好咬的白玉，仲有朱古力米通增加脆口感，最底仲有軟綿Cream 同彈滑水晶jelly，口感味道都豐富。
媽媽就鐘意冰糖雪梨桃膠，一來熱食暖胃，二來滋潤養顏，岩哂女仕食。爸爸喜歡仙草芋圓，淡奶仙草好清涼爽滑有消暑感，仲有煙韌芋圓。我就至愛榴槤甘露，味道超濃，榴槤香久久不散，食完真係齒頰留香。
芒果pancake細細件但好足料，有大大粒香甜完熟芒果，d cream仲好滑溜，果然呢度既甜品係有好高評價。
張貼
