添發碗仔翅美食

營業中

休息中

落雨，今日成條福隆新街無乜人。去添發食翅果然有位坐，二話不說獨個兒坐落大檯叫了一個海參、花膠煲仔翅$45。添發個新舖好細咖咋...都唔知有無20個位...所以香港人成日排隊等呀等...10分鐘過去，個翅未到已經聞到燒焦味....果然是我的呀這時來了一班內地客，兩代老中夫妻與我同檯而坐，手裡拿著雜誌廣告落柯打。2個$75加2個$18嘅翅食得比我更豪爽，我拿相機拍照他們也拿相機拍照...我本人有鼻敏感的所以聞到燒焦味亦感愕然!第一口吃下去的感覺，魚翅是完全沒有味道，相信預產製作過程他們只用滾水煮熟。海參給我找到薄薄小兩片、碎料花膠和少糧魚翅裙邊；吃到底還找到拈著瓦煲的黑蛋絲。翅湯底唔係高湯兼無乜味，食食吓我都要落醋調味。埋單靜雞雞走去同個老世講聲煲翅燒過火出到門口無雨落，添發竟然又見人龍....傳媒廣告效力真宏大...