影片
更多
2017-04-06
1788 瀏覽
今次黎澳門預先搵左幾間食店要試，其中廣興美食係有唔少澳門ig朋友都會打卡嘅小店，加上距離住嘅酒店都唔係太遠，於是check out之後就直接過黎。由於係週一，時間尚早，入座嘅時候只有幾位客人，陳設環境有少少似國內嘅麵店。廣興主要供應粉麵，廿零蚊左右，唔貴，另有少量飯類就三十蚊。但我地主要黎就想食佢地嘅招牌「海鮮米」，因為見人地啲相都幾吸引。所謂海鮮米，我見牆上貼左啲相，有花蛤米、蟶子米、瀨尿蝦花蛤米、蟶子花蛤蒜蓉蝦米四款，我地點左後面兩款試下。瀨尿蝦花蛤米 $43老實講，喺呢度食碗四十幾蚊嘅米粉一啲都唔平，睇番佢地呢幾款米粉嘅價錢都漲價唔少。米粉賣相唔錯，四隻瀨尿蝦整齊擺放，旁邊有七、八粒花蛤，米粉湯底睇落都幾清~瀨尿蝦就唔算好細隻，但冇乜肉食，鮮味講唔上。米粉味道較淡，食落爽口，所謂湯底亦都冇乜特別，反而加左佢地嘅辣椒油幾好食。蟶子花蛤蒜蓉蝦米 $53男朋友點嘅係有齊三款嘅米粉，呢個價錢配合質素，我覺得太貴了…蟶子有五粒，花蛤同樣地有七、八粒，可惜兩者都一般，食落有沙，尤其蟶子…蒜蓉蝦有炸過，令成碗粉冇我嗰碗咁淡茂茂，不過蝦都唔新鮮，肉有啲霉霉地。呢個價錢本來料靚嘅話，當然係抵食，不
由於係週一，時間尚早，入座嘅時候只有幾位客人，陳設環境有少少似國內嘅麵店。
廣興主要供應粉麵，廿零蚊左右，唔貴，另有少量飯類就三十蚊。但我地主要黎就想食佢地嘅招牌「海鮮米」，因為見人地啲相都幾吸引。所謂海鮮米，我見牆上貼左啲相，有花蛤米、蟶子米、瀨尿蝦花蛤米、蟶子花蛤蒜蓉蝦米四款，我地點左後面兩款試下。
瀨尿蝦花蛤米 $43老實講，喺呢度食碗四十幾蚊嘅米粉一啲都唔平，睇番佢地呢幾款米粉嘅價錢都漲價唔少。
米粉賣相唔錯，四隻瀨尿蝦整齊擺放，旁邊有七、八粒花蛤，米粉湯底睇落都幾清~
瀨尿蝦就唔算好細隻，但冇乜肉食，鮮味講唔上。米粉味道較淡，食落爽口，所謂湯底亦都冇乜特別，反而加左佢地嘅辣椒油幾好食。
蟶子花蛤蒜蓉蝦米 $53男朋友點嘅係有齊三款嘅米粉，呢個價錢配合質素，我覺得太貴了…
蟶子有五粒，花蛤同樣地有七、八粒，可惜兩者都一般，食落有沙，尤其蟶子…
蒜蓉蝦有炸過，令成碗粉冇我嗰碗咁淡茂茂，不過蝦都唔新鮮，肉有啲霉霉地。
呢個價錢本來料靚嘅話，當然係抵食，不過同預期有少許落差。反而佢地普通米粉價錢平啲，可能仲好食
飲品 $11/枝
餐牌：
張貼
