葡富軒

營業中

休息中

氹仔官也街又有隱世好嘢食啦！今次發現呢間超有料葡國菜餐廳，等你食出正宗葡式感覺，無論情侶約會定朋友聚餐都啱晒！小編就試咗呢幾道招牌菜，真係好好味呀～主廚特製蟹肉釀蟹蓋蟹蓋鋪滿碎蛋、蟹肉蟹膏，撈勻配脆多士食，咬落去超豐富！入面嘅蟹肉分量勁多，每啖都充滿濃濃蟹香，配埋多士一齊食，口感層次豐富到停唔到口～葡式牛肉串燒葡國風味必試！採用傳統葡式燒烤工藝製作，牛肉串成一串上枱但味道一啲都唔馬虎。牛肉本身味道濃郁，質地有咬口得嚟又唔會韌，無論係配紅酒定啤酒都啱哂！經典西式海鮮燉飯歐陸風情代表作！大蝦、青口、蜆肉鋪滿成個飯面，燉飯吸盡海鮮精華，食落有種置身葡萄牙海邊風味，湯底鮮甜似龍蝦湯，配埋葡式臘腸提香簡直絕配！葡富軒有正宗葡國菜風味配古典餐具擺設，木桌椅暖色燈光好似去咗葡萄牙，真係幾難得