黑金堂 (已結業)

經過厚福街覓食時，發現有新開的茶飲店「黑金堂」，裝潢簡單直接，但茶飲質素幾好，可以自由配搭心水茶飲。店內擺放由台灣進口的原片茶葉，有6款茶葉，包括紅烏龍、四季春、伯爵茶、紅茶、鐵觀音、荔枝紅茶，可讓客人自由選擇及組合。除了6款茶葉，還有5款口味的慕絲，香草、玫瑰鹽、芝士、荔枝、焦糖，而比較特別的是呢度有2款珍珠，黑糖珍珠及黃金珍珠，我地組合左自己的完美茶飲。玫瑰鹽慕絲 黑糖珍珠牛奶紅茶 $36，就好似珍珠奶茶加多層奶蓋咁，味道口感都好豐富。荔枝慕絲 黃金珍珠 荔枝紅茶 $31，冇牛奶的荔枝紅茶配搭奶蓋及珍珠，更加清爽不膩。玫瑰鹽慕絲好香滑輕盈，有微微咸味，令珍珠奶茶的甜味更多層次，另外有芝士慕絲選擇，但玫瑰鹽感覺較不膩，喜歡濃郁口味的可選芝士慕絲。黑糖珍珠用傳統古法煉製，味道濃郁的黑糖味好夾奶茶，而且茶葉用滴漏的沖法，更令茶味香濃突出。荔枝慕絲甜思思好細滑，其香味令荔枝紅茶的果味更加香，茶甘味岩岩好，又不會太甜，飲完真係唔膩，而黃金琥珀色的珍珠賣相好靚，增添視覺感受，口感滑溜且很Q很彈。店員服務很好，對茶飲產品很熟識，會講解及介紹茶飲，我地很易就配搭成自選的茶飲。原來而家仲有刮刮卡送