添發碗仔翅美食

營業中

休息中

今次澳門遊嘅第一個食站就係添發碗仔翅，首先，排緊隊嘅應該全部都係香港人。間舖開一點，我地一點半嚟到，一排就排左半個鐘。由於舖頭位處於頗有特色嘅福隆新街，所以等嘅時候可以影幾張相打發下時間。天氣好熱，仲以排咁耐，入到去仲係食熱野，因乜解究都仲有咁多人？！終於輪到，入面其實好細，得廿個位左右。我地叫左"70"同"35"，即豪華碗仔翅同招牌魚肚海參煲仔翅 。豪華碗仔翅: 其實唔係好大碗, 一個碗仔, 好似平時去飲果d咁大碗~ 入面的確有翅, 唔係粉絲,冇話好唔好味, 不過香港冇呢d幾十蚊碗既真翅食, 所以都OK既~招牌魚肚海參煲仔翅: 呢個貴一倍, 但係真係好多料, 同埋係煲仔上, 好熱, 幾入味~ 至於服務, 響咁既環境之下, 個大叔算幾有禮貌, ok!其實澳門周圍都有呢D店舖, 但點解要食呢間呢, 因為旅遊書有介紹。我澳門既同事介紹我去另一d食店食翅架, 但我冇去, 因為果d係普通食飯既食店, 唔可能咁核突只係入去叫碗翅架嘛~ 呢d只係食翅既店舖方便d既~