波爾圖

營業中

休息中

未食過葡國菜，嚟到澳門試下，見隔離枱叫左個葡國雞，好大個，自己又叫嚟試下，個葡國雞外面係個大包嚟，勁香脆，加埋d葡汁食，超正，d雞好嫩滑。焗鴨飯好香，面層焗到脆卜卜，入面d飯粒粉分明，煙煙韌韌，平時無飯癮既我都食左半碟。白酒煮蜆，好有酒味，蜆肉大粒，好鮮味，超正！最後點左個tea set，依個不得了，78蚊，一大set野仲包兩杯野飲，超抵。甜品有木槺布甸，奶凍，芒果千層蛋糕，鹹點有葡撻，蒜蓉多士，咖哩角同煙三文魚餅，鹹甜點都好好味，最重要係78蚊已經有甘多野食，真係唔點唔得。