頭啖湯

營業中

休息中

好難得過海食飯，「頭啖湯」，招牌就好大個啦，一入到去，咦？冇人既。坐低睇menu都有d怕怕，好怕間野好伏。煲有4個選擇，見佢既「珍味百菌煲」個賣相幾好，一於就佢啦❗️其他野食既選擇唔多，揀左幾樣最鍾意食既，加一款肉就算。-珍味百菌煲見到個煲果刻其實有d失望，個湯好似清水咁，點知一飲❗️好重既菇味呢😍雖然偏咸，但係好甜美😋而且菇類都好多，樣樣都好入味，煲到林左去食好正-美國安格斯雪花牛肉（小）一共有10片，雪花相當吸引💕輕輕綠一綠，一入口好濃既牛肉味，肉質軟熟，食過返尋味☺️-響鈴大條，香口-韮菜餃佢冇冰到出面好多雪，抵讚👍🏻好足料，裡面係滿滿既餡，充滿韮菜味，仲有汁係裡面，正💯-山根份量都唔少呢，幾驚佢得幾粒😲-墨魚滑細細粒既話，大概可以整到6粒既，味道不俗，不過唔夠滑🤔-菜式選擇真係唔多，但係份量都叫做可以接受，而且味道唔錯，尤其是安格斯牛肉，出人意表呢😋兩個人黎講，價錢可能偏貴，但係以過海餐廳黎講，算係咁，而且都食得飽既。