零味精私房小館 (已結業)

一間在大坑開了不久的小店，被店外那菠蘿山吸引我走埋去睇下有乜好食，店內有一個體型略肥的女人走出來熱情介紹自己是一間新的私房菜，曾受電視雜誌訪問，外面的菠蘿不是裝飾，是用嚟煮菜的，他們的鎮店招牌菜是"新鮮原隻菠蘿咕嚕肉"，肥女人形容為必食的菜式，我們見佢熱情推薦及見佢一間冇乜裝修同咁細空間嘅舖夠膽收$158一個咕嚕肉，於是入去試試！之後還點了一個魚湯粉絲蜆，店員介紹魚湯係用左四五小時去煲煮！魚湯粉絲加蜆兩隻收$89，點了兩樣嘢店員還不斷推薦希望我點更多餸，但我眼見所有餸都差不多一百五十元以上，於是我想先試試係唔係真係咁好食先！打發了店員，一會後，魚湯粉絲蜆首先上菜，亮點係上面仲有朵花，賣相不錯，手機食完到人食，喝一啖，味道清淡只有淡淡的魚味但不夠濃烈，大蜆幾大隻幾靚，我見佢煮之前響外面仲用水養住仲新鮮，點知食落唔知點解冇乜鮮味！之後到鎮店之寶"原隻菠蘿咕魯肉"出場，亮點係原只菠蘿，但一睇就知可能個菠蘿係新鮮所以太多水令個汁太稀，顏色不夠橙，肥女人店員叮嚀要上菜馬上要吃一囗咕嚕肉，仲話係最好食嘅一刻，誰不知我食第一口，覺得肉炸得不夠脆，汁太稀包不到肉的外層，味道不夠濃不夠甜味道只有單一的酸