唐吉柯德

喺澳門想同時試到正宗西班牙菜同地道葡萄牙菜，唐吉柯德絕對係獨一無二嘅好去處。今次專登同朋友嚟試吓佢哋嘅幾款招牌菜，果然冇令我哋失望

葡式炒蜆一上枱已經聞到濃濃蒜香同白酒味。蜆肉肥美又鮮甜，完全冇沙，個汁調得剛剛好，唔會太鹹，用嚟點麵包真係無得彈。跟住試咗燒馬介休，魚肉烤得外脆內嫩，鹹香恰到好處，唔會蓋過魚本身嘅鮮味，炸過嘅薯仔點汁都好食

西班牙海鮮墨汁天使麵既墨汁味道濃郁得嚟唔會腥，麵條彈牙有嚼勁。海鮮料好足，有爽口大蝦同魷魚，每一啖都食到鮮味

如果大家嚟澳門想一次過試勻兩種歐洲風味，呢度真係值得推薦！