扒皇燒

營業中

休息中

以前去氹仔必去官也街食水蟹粥，依家唔會再去嚕，因為極之唔掂！今次去官也街，想發掘吓有咩美食餐廳，想去間從未幫襯過嘅餐廳，見扒皇燒唔係好多人，menu又好似幾啱口味，於是膽粗粗入去幫襯。幫襯扒皇燒重有個原因，門口位女侍應招呼唔錯。Frangi 燒雞半隻，紅酒逼羊膝一份，忌廉粟米湯一客，老闆娘極力推介咖哩蟹，但今次只係黎發掘吓美食餐廳，唔知會唔會中伏，所以唔敢 order。燒雞熱雞肉嫩，只係份量少咗DD，羊膝入味，肉嫩，騷味唔太重，配料嘅薯仔唔係煮到爛哂有𡁻口，唔錯。最驚喜係個忌廉粟米湯，起濃郁，只係20蚊，落到香港起碼貴一倍！總括黎講，係一間唔錯嘅餐廳，服務唔差，下次會黎幫襯咖哩蟹！