扒皇燒

營業中

休息中

這間餐廳絕對是我近期用餐中最令人驚艷的體驗！從第一眼看到這幾道菜品，色香味俱全的呈現就讓人食指大動。圖片中的牛排料理尤為出色，肉質鮮嫩多汁，烤得恰到好處，帶有誘人的焦香，搭配上新鮮的迷迭香點綴，更增添了風味層次。旁邊的薯條和烤蔬菜如番茄和南瓜，口感酥脆且鮮甜，完美平衡了肉的油膩感，讓整道菜呈現出和諧的口感與味道。另一道帶骨牛小排同樣令人讚不絕口，肉質軟嫩，骨頭周圍的肉汁溢出，咬下去滿口都是滿足感，搭配洋蔥和胡蘿蔔的清新口感，實在是下飯又開胃。另外，炸魚料理也值得大書特書，外層酥脆的金黃麵包屑包裹著鮮嫩的魚肉，內裡汁水豐富，搭配幾顆小番茄和香菜點綴，既養眼又健康。最後的義大利麵更是經典之作，肉醬濃郁，麵條Q彈有嚼勁，每一口都充滿家的溫暖味道。服務員態度親切，環境舒適，適合與家人或朋友聚餐。總之，這間餐廳無論是食材品質、烹飪技巧還是用餐氛圍都堪稱一流，強烈推薦給愛好美食的朋友們，絕對不會失望！下次有機會，我還會再來品嚐其他招牌菜！

係夜晚既官也街，食一餐本地葡國菜，有異國風味之外，味道同份量都唔錯！ 十分推介！ 可以試吓葡式海鮮湯飯、葡國雞。位置都好方便，可以喺澳門輕軌去排角站或者坐穿梭巴士去澳門銀河行過去大約10分鐘到。

今日同太太澳門玩，想享用葡萄牙菜做晚餐，於是上網查閱有什麼好介紹，看見其中介紹了一間價錢優惠的餐廳，於是在網上訂枱.當日叫了一個前菜及兩個主食，以及一杯特飲，原本同都想叫多一兩個，但因為那天我們實在在其他地方吃了很多東西，所以我們只叫了兩款比較特別的東西，一個馬介休球以及燒乳豬，一碗抱子甘藍，所有食品都味道好好，我覺得今次的晚餐唯一的缺點就是因為我們先前吃得太多，我們不能在這個晚餐中加上甜品作完滿，同時地點在官也街，附近仲有輕鐵站所以前來都比較方便

4號同老公係澳門食既第一餐咁啱去到有午餐，揀左香草蒜蓉焗鱈魚試下個皮好脆，魚油豐富，剛剛熟，嫰滑唔腥，清清地啱晒當日牙痛既我個汁同意粉偏淡，如果落茄汁撈下d意粉會更好老公當然要叫肉食先飽，於是揀左燒牛仔骨，如果我唔係牙痛都想食，佢話幾有牛味呢外叫左份馬介休，都係外脆內軟～一人三件好滿足呢杯好似係熱情果唔知咩…個名人幾靚我唔記得左🤣🤣環境唔錯，坐得幾舒服，店員態度都幾熱情，有介紹下，野食都幾好，有機會會再嚟😎😎

【扒皇燒Frangi’s Grill】官也街附近一間平價本地人葡式餐廳食物份量充足 高CP值最近亦更新過餐牌 多啲選擇 午餐套餐更抵食服務態度也相當不錯仲不收取加一服務費🥫葡式海鮮湯飯$188有煎香既魚+蝦肉+ 魷魚+青口+蜆煮成洋蔥🧄甜香味好出 茄醬唔會太酸青口數量都多 啖啖肉米粒吸收晒湯既精華扒皇燒雜扒$179（牛肋骨、豬扒、雞扒） 沒有熟成度選擇，鐵板上菜配有特製黑椒汁 香味四溢牛肋骨好好食😋 油脂均#身易咬豬扒少咸 雞扒嫩滑 似燒雞口感蒜香炒雜菜$78蒜味濃郁 大大舊雜菜翠肉瓜唔會太爽 唔錯👍🏻📍 扒皇燒 氹仔地堡街《近銀河酒店對面》營業時間 11:30-22:00

氹仔扒皇燒 - 地址: 氹仔地堡街, Haagen-Dazs 附近禁左堂食後, 好耐無食西餐了.今日經過扒皇燒, 竟然發現有開門做外賣!即刻決定今晚加餸, 外賣左最出名既燒牛肋骨, 再搭炸魷魚蘇同馬介休.攞返屋企, 唔夠半個鐘, 已被其他人食哂~雖然係外賣，仍保持到堂食水準。期待疫情快過，快的恢復堂食。其實發現扒皇燒創新左好多輕食，啱哂的文青去嘆下午茶。之前有堂食嘅時候，我就最喜歡叫佢地嘅黑白漢堡，煙三文魚沙律，加埋杯咖啡，堪稱下午茶一絕～

首先，由酸酸的《豬耳沙律》打開胃口，再品嚐鬆脆的《炸蝦多士🍤》，繼而到肉質鮮嫩的《香煎牛肋骨》，口感嚼勁十足😋鹹香的《芝士焗馬介休》利用焦香的芝士來減低馬介休的鹹味，但裡面的洋蔥🧅會慢慢出水，所以要快一點把它吃掉🤪香口的《焗雪魚》肉質嫩滑，加上迷迭香更突出魚的鮮味，但注意裡面會有魚骨喔！😉-到香辣刺激的《非洲辣雞》，肉質嫩口，再用香脆《香蒜法包》沾上以洋蔥為主角的《咖哩大蝦🍤》一起吃，口感更豐富😋有著「當兵骨」稱號的《葡萄牙炒豬肉粒》配飯吃一流，和干免治豬肉一樣的棒🤤最後以滑滑的《朱古力布甸》和《椰汁布甸》作為結尾😚

偷得浮生半日閒，香港人遊蕩至官也街買晃記黃糖光酥餅，在附近發現了一間本土文化美食，性價比高，可用美而廉來形容，食物份量十足，價錢平，餐廳本想做當地居民生意，但是卻引來很多遊客欣賞。相信是不單價錢平，食物質數亦高。真心希望推介給大家，在疫情中去支持這間本土小店。頭盤小食🦐多士，外脆內鮮主菜是鱈魚，店主把它煎得香脆金黃，肉質鮮嫩香甜，沒有腥味， 10分可口甜品選擇了焗蛋白雪山，淋上🍋檸蜜汁，內𥚃放入雪糕，賣相一流，不過有點甜

已經是第二次光顧，服務非常好，中午午餐好食和扺食。點了葡國雞飯，飯又脆和香，價錢合理，已包括湯、主菜丶甜品和茶。值得推薦！裝修為葡萄牙式，舒服，環境很好。老闆招呼非常好。

以前去氹仔必去官也街食水蟹粥，依家唔會再去嚕，因為極之唔掂！今次去官也街，想發掘吓有咩美食餐廳，想去間從未幫襯過嘅餐廳，見扒皇燒唔係好多人，menu又好似幾啱口味，於是膽粗粗入去幫襯。幫襯扒皇燒重有個原因，門口位女侍應招呼唔錯。Frangi 燒雞半隻，紅酒逼羊膝一份，忌廉粟米湯一客，老闆娘極力推介咖哩蟹，但今次只係黎發掘吓美食餐廳，唔知會唔會中伏，所以唔敢 order。燒雞熱雞肉嫩，只係份量少咗DD，羊膝入味，肉嫩，騷味唔太重，配料嘅薯仔唔係煮到爛哂有𡁻口，唔錯。最驚喜係個忌廉粟米湯，起濃郁，只係20蚊，落到香港起碼貴一倍！總括黎講，係一間唔錯嘅餐廳，服務唔差，下次會黎幫襯咖哩蟹！

今天去澳門玩，夜晚去地堡街食飯，行過呢間扒皇燒，是葡菜餐廳，四人點了田園沙律，白汁蜆肉意粉，紅酒逼羊膝，煙𤑛豬肋骨，和招牌脆皮燒鷄等！以田園沙律作開胃前菜，配以芥末汁，不辣但清爽開胃！白汁蜆肉意粉，蜆肉新鮮，忌廉汁很濃味，配以意粉是很好吃的配搭、不錯！紅酒逼羊膝，外觀吸引，但食落肉味較淡，而且上碟的肉汁太多和較稀，比較美中不足！煙𤑛豬肋骨，配以炸薯條，肉質也嫩滑，算有水準！招牌脆皮燒鷄，我們四人只叫了半只，價錢是$98，配以沙律菜和酸辣汁，好好味，好吃而抵食！

以前食過一次，有各式燒扒，味道有水準。昨天再去，大失所望，寫住巨型美國肉眼扒，只是一塊薄牛扒，而且問了我幾成熟，但結果是煎熟了就算，像茶餐廳一樣，成$350。真是太貴了晚飯雖然員工不足，但服務還可以，上菜也快，環境也不錯。但以前是主打各式排類，價位也是差不多，但是味道很好，現在就做到是一家普通的葡國菜，且價錢昂貴，但調味很差，且食料一食就知道不是很好的質素。我只是點了兩個菜一個湯已$600幾。真心想喊

一個禮拜內黎左兩次, 因為第一次之後對佢個燒back rib念念不忘. 個back rib最正既地方係d肉好稔, 又有d軟骨連住, 肉燒得好juicy.第一次去係自己一條友, 第二次去係同兩個朋友. 佢地既評價係, 一個覺得佢個rib好食過法蘭度個燒排骨, 另一個就嫌佢甜左d. 下次再去影d相.