南小館

近期才發現新濠鋒酒店內有間南小館上海菜，當日咁啱路過附近便去試試。餐廳位罝有點隱蔽，不是在吉良、天政嗰一個門口入，而係在其對面的門口進去，而且隔離便是賭場，一入去要過安檢，有點奇怪。

當天包括我們只有3枱客人，似乎生意一般。

看看菜單，由於不太餓，所以只點了一個麻醬麵，一個南小館四小拼，及一個甜品南瓜糰子。

個麵一上黎，哇，58蚊就只有這樣? 份量小都算，啲麵仲要痴住一舊，麻醬唔知係咪太貴唔捨得落碗麵淡到。。。

麻醬麵

$58

再來四小拼，選了雲耳、燻魚、口水雞及烤麩。全部味道一般，沒有甚麼好寫的。

南小館四小拼

$108

南瓜糰子裡面包紅豆餡，皮Q內餡不太甜，算係三樣東西最好吃的。

南瓜小糰子

$28

唯一可取服務算不錯，侍應會自動不停幫你加水。