101手工涮涮鍋 (金朝陽中心二期 - Midtown)

中午抽空放假，特登去咗銅鑼灣金朝陽中心2期嚟一場輕鬆午飯。呢度入口喺登龍街，電梯直上29樓，落地窗景靚到爆——望得出街頭車水馬龍，食飯都多咗份愜意。差不多中午12點半到埗，客流唔算爆滿，等咗10來分鐘就拎到位，午市限定1小時，夠晒趕得切。佢哋嘅午餐set超抵食，$61一蚊錢包晒一煲湯底（今日試咗個鮮甜嘅），再加埋飯或麵條（我揀咗拉麵，彈牙啱口），自選三款小菜，仲送一杯無酒精飲料——凍檸或熱茶隨你鍾意。煲底自帶新鮮配料：紅彤彤蕃茄片、脆生生生菜、甜脆粟米粒同埋嫩綠芽菜，煮落去香氣四溢，湯汁濃郁卻唔油膩。配埋一碟簡單小食，啖啖入味，食完精神百倍返工。喺呢個寸金之地，呢個價位食到咁正宗嘅火鍋lunch，簡直係難得寶藏！下次再嚟試埋其他湯底。👍…查看更多

今日趁住晏晝放假去左呢度午市61蚊打邊爐午市套餐。餐廳係金朝陽中心2期，大廈入口係登龍街，餐廳係29樓，靠窗景觀開揚。去到大約12點5，等嘅人唔係太多，15分鐘就入到去坐，午市用餐限時60分鐘。佢個lunch set $61加一，包一款湯底+飯/米線/拉麵/公仔麵+自選3餸，同一杯沒酒精飲品，凍熱同價。每個爐入面都有蕃茄,生菜,粟米同芽菜作為配菜。呢個價錢係香港坐底食個普通lunch都難搵，唔好話銅鑼灣核心商業區。1.台灣沙茶湯底+拉面+牛肉/雞件/雲吞+炭燒咖啡珍珠（$61）。沙茶湯底滾起左聞落幾香，食落沙茶味都啱啱好，而且本身自帶少少辣，幾惹味。建議一開始先大火滾起個湯底，然後再較番個細火暖住個爐慢慢食。牛肉係鮮滑牛，比較細碎，食落沒根亦沒肥膏。雞件有3大件，一舊雞脾肉，兩舊腳根位，食落有少量冰鮮味（沙茶湯底都覆蓋唔到）。雲吞兩粒，普普通通。基本上所有食材都只係會有沙茶湯底味。拉面份量相當充中，長時間浸係個湯底到都沒脹起。面滑身，唔係好掛湯。炭燒咖啡珍珠都幾大杯，上面加左cream同埋Oreo碎碎，打住鞭爐飲凍野都爽嘅，雖然沒甜度揀，但都唔會太甜。2.日式壽喜燒湯底+魚腐/牛肉/餃子+特濃朱古力特飲（$61）壽喜燒湯底隨著湯愈少就愈甜，食到最尾連d食材都吸哂個湯底而變得甜左。呢餐性價比高，飽就不在話下，價錢比起街舖仲平，坐得舒服，仲有個gas爐俾你過下打邊爐隱。…查看更多

坐擁無敵維港大海景嘅火鍋餐廳，午市只係 $61/位 就食到一人火鍋，真係抵到癲！✨ 用餐體驗
1點去到竟然唔洗等，60分鐘用餐時間，坐卡位望住大海景，心情即刻加分。餐廳仲有大露台，行出去可以影靚相打卡～🍲 餐牌亮點湯底選擇多：麻辣、香辣、豬骨、蕃茄等主食可揀：白飯／米線／麵自選3餸（額外+$9可加更多）
👉 我揀咗沙茶滑牛片、白蘿蔔同雞件（3-4件但勁大件！）飲品任揀：珍珠奶茶、可樂冰沙等，仲要大杯又唔使加錢，超驚喜！💡 推介：
沙茶牛真係夠味又滑，配白蘿蔔吸湯好正；飲品選擇夠多又抵，CP值爆晒燈！📸 打卡位：落地玻璃海景卡位露台望住維港景👉 平平地就有靚景＋火鍋＋飲品，真係一流午市之選！…查看更多

食物質素高。三杯雞湯底正宗。雞肉嫩滑新鮮。拉麵口感彈滑，份量十足。每鍋可選三餸，脆肉鯇魚肉鮮味，墨魚春卷彈牙好食。特色飲品咖啡珍珠，味道濃厚，不會太甜或淡而無味。💰61加一收費，絕對沒有將貨就價。…查看更多

飲品有汽水沙冰，水果茶，盆栽奶茶系列另外每位會送墨魚汁黑松露蟹籽海鮮軍艦太極冬菇三重芝士鮮製蝦丸手工即炸響鈴及炸海苔鹹蛋黃魚皮黃金炸魚皮超級厚實鍋底選了冬瓜卜卜蜆海鮮鍋，湯底鮮甜，卜卜蜆新鮮冇沙包了一次性的海鮮拼盤 幾隻沙白兩隻虎蝦兩隻桶蠔兩隻鮑魚兩隻貴妃蚌當晚星期六我們點了美國安格斯牛頸脊套餐$458位，醬料$30位坐下就會送上麻醬麻辣手撕雞同麻辣木耳做前菜（每2位可送一碟牛頸脊或黑毛豬）火鍋配料款式多 有很多手工做的料手工鮮黑松露墨魚滑手工墨魚滑手工黑松露芝士豚肉餃手工麻辣粟米豚肉餃手工韭菜餃夜市鹵水豬大腸手工墨魚丸手工安格斯牛肉丸手工梅菜豬肉丸有一個戶外露台可以睇到維港夜景最後還有糖水送…查看更多