101手工涮涮鍋 (金朝陽中心二期 - Midtown)

銅鑼灣覓食～自己無睇清楚介紹，估計餐廳環境一定好靚所以走去食呢間一坐底⋯得任食火鍋🤦🏻‍♀️🤦🏻‍♀️🤦🏻‍♀️因為對任食火鍋既質素無咩信心食材通常都一般睇埋menu 都唔算平，要成400幾蚊一位不過餐廳入面環境都唔錯晚市又唔多人，咁就試試佢😂😂😂晚餐MENU 只得任食火鍋套餐（$428/位）包任飲但今日佢無酒供應，所以每位減左$50即（$378/位）但佢個套餐好少選擇因為一黎個煲入面已經勁多野食有好多都唔係自己想食既野我地得2個人食完呢煲野都想飽哂但又嗌唔到extra 想食既野🤷🏾‍♀️🤷🏾‍♀️🤷🏾‍♀️個煲一黎到就勁多料🤨🤨🤨又丸又菜仲有好多雞我地揀左台灣香辣三杯雞湯底係好味既但啲料唔太得雞無咩味，其他配料都係中等貨式未見太新鮮響鈴勁大舊魚皮都脆台灣夜市火鍋拼盤呢個都幾特別好似滷水拼盤咁全都是滷水：雞翼，雞蛋，豬腸，豬耳，牛肚等味道不錯，幾好食😋😋😋101特選手工拼盤肉丸幾新鮮個餃都好好食但最尾已經食唔落了🙈🙈🙈 汽水任飲火鍋拼盤每2位可揀一盤肉類我地揀左安格斯牛頸脊新鮮好味道最後仲有燒仙草甜品呢個味道唔錯唔會太甜打完邊爐食涼浸浸咁佢既前菜都好好味都係任食既總括黎講環境服務都係中上但食物就一半半所以覺得唔太抵食…查看更多

101手工涮涮鍋絕對係打邊爐最好選擇！難得有火鍋店無論係肉類、配料、飲品同海鮮都一致地高質！打邊爐好難搵到如此高級舒服既環境，但101涮涮鍋除左坐位闊落，侍感服務親切貼心，好快就有回應，實在係一般火鍋鋪見唔到既！湯底一上桌令人驚喜十足，配料充足，仲有數量勁多又好好食既牛肉，好似食緊台灣牛肉麵咁呀！鍋底紅燒牛肉肉質鮮嫩，完全唔洗擔心時間耐左會韌！齋食湯底配料都好滿足呀！套餐包特選手工火鍋拼盤，大推墨魚汁鳥結糖，咪睇佢黑蚊蚊，食落超重墨魚味，仲有夥粒分明既墨魚肉粒！另外，太極冬菇上面黑白色既墨魚滑，搭配冬菇，想像唔到如此合襯！台灣夜市拼盤要煮熟先食得，湯底滾幾下已經忍唔住要放入口，果然係台灣夜市既味道！手工響鈴同魚皮都係我最愛呀，完全唔係平時買充滿油益味，而係新鮮炸嫁，魚皮脆卜卜，一下子已經比我食晒喇！牛絕對係打邊爐既主角，101除左上面講既配角出色之外，主角牛頸脊都好出色呀！牛肉既油脂分佈平均，肉質嫩滑，充滿牛既鮮味！每位加$58就有五款新鮮海鮮，包括肥美美國桶蠔、爽口原隻鮑魚、肉質結實大海蝦、脹卜卜大蜆、鮮甜馬刀貝，款款都食得出好新鮮！基本上食晒套餐包既食物已經好飽，但點都想試下其他配料，必食秘製雞件，雞肉滑嫩，啖啖肉好好味呀！…查看更多

想吃火鍋，又想喝喝酒，友人就推薦這家火鍋店。看門面一點都不像火鍋店，反而像高級西餐廳。一行三人被安排坐在露台旁的四人座。第一次去有露台的餐廳，能把銅鑼灣夜景盡收眼底，有點像曼谷的高級酒吧。醬料很齊全，應有盡有。火鍋套餐餐牌追加餐牌 （付費）無限追加飲料選擇，分別有酒精及無酒精前菜 - 有木耳、蓮藕和手撕雞，好好吃，我們追加了兩三次。食物還未到，侍應很貼心地問我要不要先點飲料，我就點了店長推介的白酒。甜甜的，很易入口且不澀，確實是好推介。紅燒牛肉鍋 - 有台灣的味道，內有牛腩、豆卜、蔬菜，令味道更有層次。牛腩很有咬口，半筋半肉，是最佳的食用時候。安格斯肥牛 - 牛味濃，看紋路也知道這碟牛是何等的高質。入口即溶不在話下，齒頰留香才是王道，堪稱牛中之王。台式夜市拼盤 - 最愛鹵水蛋，想不到火鍋也可尋回台灣經典夜市美食的味道。超長炸響鈴及魚皮 - 響鈴吸收了火鍋的湯汁，很味美；而魚皮仍然鬆脆。特選拼盤 - 整盤都很合我胃口，最愛芝士蝦丸、芝士墨丸、太極冬菇、墨魚汁鳥結糖、黑松露餃，幾乎全都愛吃。不是每家火鍋店都有這類創作配料，且味道吸引，要推薦給喜歡創意料理的食家們！海鮮拼盤 - 海鮮一直都是我摯愛，只需加$58就可嚐盡珍寶美國桶蠔、馬刀貝、原隻鮑魚、大蜆及游水海蝦，真的超值。重點是每款海鮮都很肥美又新鮮，值回票價。自選配料 - 芝士狂魔必點芝士竹輪及芝心丸，拉出來的芝士一絲一絲的，很濃郁。另外的重點是飲料，有各式各樣的cocktail，友人點了至少三杯。而我比較喜歡紅、白酒，喝個夠本。火鍋套餐十分豐富，最後以滋潤糖水作結。雪耳仙草木槺布甸特別一提的是侍應貼心的服務，加湯時會用水蓋住出湯口，以防湯汁濺出。另外，會細心地用湯匙舀走浮在湯底上的泡沫及油，令我們吃得放心。…查看更多

平安夜朋友仔訂枱打邊爐，但我萬萬都估唔到打邊爐竟然可以拎住杯白酒行出露台睇住維港夜景！！任飲任食$428/位，一開始會有1-8項選擇，其後火鍋配料就自己再入紙嚕～至於時令海鮮拼盤，我地就無另外加錢，因為本身食物已經夠食～飲品有倒插沙冰，盆栽奶茶，水果冰茶，熱飲⋯⋯ 連酒類飲品都係任叫～勁大杯～我地擇左酸菜卜卜蜆鍋，豐富又鮮甜！其實鍋裡面重有勁大片冬瓜，我地食完D蜆要拎片冬瓜先有位繼續打邊爐一整盤的火鍋配料賣相吸引，全部款式都好特別，個個都食唔停口～每兩位送一碟肉類，我地擇西班牙伊比利亞玫瑰黑毛豬頸肉，甚有口感；手切安格斯Prima Grade 牛頸脊肥牛片，肉味濃又有嚼口～重有滷水拼盤，食前要滾一滾先～高炒影一影先最後當然不少得甜品～呢度無論環境服務食物質素都非常高，今晚真係好滿足聽講Lunch都好正，下次一定會再黎！…查看更多

今日天氣突然轉涼，所以老公suggests 去打邊鍋，我就梗係冇問題啦！佢揀咗呢間因為有台式火鍋，有我地兩個每次去台灣都必食嘅酸菜白肉鍋。諗起都流唒口水去到原來係29 樓,我都未試過係咁高嘅餐廳打邊爐, 一入去就見到個水巴，感覺唔錯😊🌽有獨立房，想private D 都可以呢度風景一流，食食下可以出balcony 吹下風至於食物方面，老公覺得呢個夜市拼盤幾特別，好似食緊街邊小食咁，有豬耳，大腸，腎片，etc.而我就比較鍾意傳統嘅，手打丸好彈牙，餡料亦好特別，我最鍾意黑松露芝士豚肉丸牛頸脊好有牛味，正👍響鈴同一般嗰D唔同，好鬆脆，又大件。魚皮都唔會一浸即淋👍當然同係台灣食有唔同，但味道都唔錯，酸酸地幾開胃如果拼盤唔夠食，另外仲有個任食menu，唔駛驚唔夠飽最後仲有個布丁，奶茶味幾特別😊總結：食物唔錯，環境一流，最啱情侶嚟😆…查看更多

不嬲都喜歡去有海景既餐廳食飯，但有海景的餐廳通常都係西餐，點知依家可以睇住海景食火鍋，即刻去試一試好彩早去到，可以坐近窗邊，欣賞住香港夜景，慢慢揀野食其實外邊又個露台 好似roof top bar 咁 好正！食到飽飽出去行一行又可以繼續擦～一人揀一個 398 無限時任飲任食set問店員邊個鍋受歡迎，她話多人揀台灣紅燒牛肉鍋小辣， 就試試佢啦！ 肉類揀了比較少食的西班牙伊比利亞黑毛豬肉片 都有10幾塊 2人食剛剛好 不會太多101特選手工 和 台灣夜市 火鍋拼盤就 一樣一個 包埋一份超巨型 手工即炸響鈴卷和魚皮,  超好食!! 浸一浸湯, 索哂D 味, 仲要勁脆咁多野食 都好似唔使追加再點埋野飲，選擇困難出現了 好彩可以追加，結果叫左3round！d野飲好新潮 唔洗再飲酸梅湯和茅根精！！！個煲來到 好多配料！！！ 淨係牛肋條 都有5-6條！d黑毛豬肉好甜 好爽 不肥膩 火鍋拼盤睇落好小 但絕對係小吃多滋味其中黑松露蟹肉手工餃 和 黑松露芝士豚肉餃 最滋味！未試過  有意大利雲吞O既感覺, D皮好爽滑, 肉餡鮮甜又有黑松露味, 如果個胃有無限空間 一定encore可惜唔食到太多野 只係加左d 菜 和 烏冬 加埋火鍋D 湯, 砌左碗台灣紅燒牛肉鳥東真係忍唔住要讚下自己食到最後諗住埋單,  先醒起原來仲有甜品!一杯小小O既甜品, 作為美滿O既完結, 下次一定要試埋其他鍋!!!!!…查看更多

之前曾多次光顧尖沙咀101手工涮涮鍋，任飲任食之餘水準穩定，尤其是可以免費暢飲台式飲品如OREO香芋珍珠奶茶，絕對是個人心中火鍋放題首選。最近看到報道指101手工涮涮鍋於銅鑼灣開設新分店，店內裝潢與尖沙咀店大相逕庭，以型格摩登的酒吧餐廳設計為主，更設有露台可供客人出外享受美景與美酒。餐牌與尖沙咀店的最大分別是銅鑼灣店提供酒精飲品任點任飲，絕對是「酒鬼」福音，一邊喝酒一邊涮肉。手撕雞肉嫩滑而且麻香惹味，木耳亦爽口開胃，任點任食。我們點選了冬瓜卜卜蜆海鮮鍋，半個雕花冬瓜圍繞大量蜆，雖然蜆肉不算肥大但蜆味十足，並無雪藏味或腥味，湯底清澈鮮甜，鹹度適中，毫不油膩。手工響鈴卷拼手工魚皮即叫即炸，炸得相當香脆之餘亦很乾爽。手切Prime Grade牛頸脊肥牛片肥瘦適中，色澤鮮明，牛肉味濃。台灣夜市火鍋拼盤包括滷水豬耳、滷水腎片、滷水大腸、滷水牛肚、滷水蛋、鹽水雞翼、台灣九份紫薯及地瓜芋圓、紫薯水晶包，有點始料不及的是以芋圓作火鍋配料，不過事實上味道與湯底不太配合，烹煮過後有如鹹中帶點粉團，芋圓終究還是比較適合用作甜品。101特選手工火鍋拼盤包括墨魚汁鳥結糖、太極冬菇、安格斯霜降牛丸、三重芝士鮮製蝦丸、黑松露蟹籽海鮮軍艦、黑松露蟹肉餃、黑松露芝士豚肉餃、三重芝士鮮製墨魚丸，個人最愛黑松露蟹肉餃及黑松露豚肉餃，皮薄餡靚，黑松露味突出。其他火鍋配料選擇種類繁多，包括肉類、亦沒有出現漏單問題，份量與點菜數量相乎。任飲飲品相當高質，點了愛文芒果忌廉冰砂、盆栽特濃朱古力、無酒精雞尾酒等數款，盆栽香芋珍珠奶茶仍是個人最愛之首，香芋味濃郁之餘加上忌廉與OREO碎實在無懈可擊，值得一提的是其紅酒白酒及雞尾酒皆屬任點任飲。最後更有一杯木糠香芋布丁或珍珠奶茶布丁。於高級酒吧餐廳之中品嚐台式火鍋實在是難得一見，如果喜歡飲酒的話這裡絕對會是與朋友共進晚餐的不二之選，不過如果不愛喝酒的朋友則可以選擇到尖沙咀分店，價格相對更加實惠。…查看更多

銅鑼灣登龍街金朝陽中心2期和V Point，愈來愈多新食肆。加上這2座大廈又新又高，高層的食肆都享有海景，而且環境不錯。今晚就來試試位於金朝陽中心2期29樓，新張不久的101手工涮涮鍋，來個暖胃火鍋。101手工涮涮鍋店佔29樓全層，地方夠大，樓底夠高，靠邊大玻璃窗景觀開揚，環境相當舒適，店內還有一長方型寬大露台，設有幾張高枱，食客可以在露台暢飲談心和欣賞景色，真是鍋心設計。任食火鍋分2個時段，分別是晚上6:30至8:45及9:00pm到11:30pm，價錢每位 $388。除了有多款鍋底選擇外，還有任食前菜2款，肉類每2位選一碟，101特選手工火鍋拼盤或台灣夜市火鍋拼盤任揀一款，手工即炸響鈴卷拼手工即炸魚皮，還有多款追加火鍋配料，任飲飲品和每位一客甜品。此外，亦有時令海鮮拼盤，不過每位要另收$58。另有各式醬料，任君配搭。 鍋底揀了台灣沙茶雞涮涮鍋，雞件夠滑夠大件，配料亦相當豐富，有大大圈紫洋蔥、番茄、金菇、紅蘿蔔、白蘿蔔和豆卜等。指定肉類選了手切安格斯 Prime Grade 牛頸脊肥牛片和西班牙伊比利亞黑毛豬肉片。牛頸脊肥牛片牛味濃郁，油脂充沛，入口嫩滑。黑毛豬肉片，不肥不膩，肉質香軟。兩款肉類都有水準，十分好味。而101特選手工火鍋拼盤和台灣夜市火鍋拼盤材火鍋料都十分豐富，手工拼盤有墨魚汁鳥結糖，太極冬菇、黑松露蟹子海鮮軍艦、安格斯霜降牛丸、三重芝士鮮製墨魚丸、黑松露蟹肉餃等。墨魚汁鳥結糖在一般火鍋配料中比較少有，感覺新鮮彈牙，味道不錯。至於台灣夜市火鍋拼盤，亦是一般火鍋配料中比較少見的，有牛肚、滷水豬耳、滷水蛋、腎片、大腸、鹽水雞翼、紫薯芋圓、地瓜芋圓及紫薯水晶包。用紫薯芋圓、地瓜芋圓及紫薯水晶包做火鍋配料、入口煙煙韌韌，感覺良好。無限追加配料款式繁多，不能盡錄。吃了脆鯇片、白鱔片、脆鯇魚腩，都肉質鮮甜嫩滑，沒有欺場。 蔬菜類亦鮮嫩可口，而且選擇也不少，有唐生菜、娃娃菜、油麥菜、莧菜、各式鮮菇、木耳、冬瓜、白蘿蔔、粟米、豆腐等等。至於面食則有稻庭烏冬、新竹米粉、台灣渝川拉面和出前一丁等等。飲品方面，選擇其多，有倒插沙冰系列、水果冰茶系列、盆栽奶茶系列、熱飲及樽裝汽水，沙冰系列入口冰凍，是火鍋最佳配搭。難得的是連酒精類飲品，如雞尾酒、紅白酒、生啤都是無限追加，認真超值。吃完火鍋，再來冰涼甜品木糠珍珠奶茶布丁和木糠香芋奶茶布丁，每人一客，真是其樂無窮。 …查看更多