誠昌飯店

營業中

休息中

專程去澳門就係食呢間蟹粥 之前已經去過2次，但今次去完真係吾會再去了，先講食物 我地叫一個細水蟹粥 一個炒蜆 一個鮑貝炒西蘭花 ，水蟹粥 原全係無味 同白粥無咩分別炒蜆殼重多過啲肉 貴貴飽貝炒西蘭花 普通 普通街邊都好食過佢然後服務態度完全係零啊，疑似老闆娘既人就碌大隻眼 毫無禮貌地對待我地 完全係貼錢買難受！食物已經不再 服務態度差到喊！建議大家 佢地既食物已經吾係以前既質素 吾需要特登去試佢地既食物！試其他既蟹粥重好！。。

因為水蟹粥，所以找上了澳門氹仔官也街的誠昌。馳名水蟹粥，＄240 一大碗雖然不平，但味道果然名不虛傳。粥底本身很綿，蟹膏也混在粥內，令粥充滿鮮甜蟹味。原隻大蟹沉在粥內，原來是灼過的肉蟹，所以有很多肉，肉也鮮甜爽口，一流。正常一碟油菜，幾爽口，不過份量少了點。點了一碟椒鹽炒花甲，味道本身吵得不錯，很香口，可惜大部份都有沙。也嘗試了另一碟椒鹽炸田雞，炸得很香脆可口，大大隻田雞髀，肉也很嫩滑。最大亮點就是這一杯自製菊花茶，非常清甜潤喉。環境一般，舊式酒家的格局，價錢也不算便宜，香港打冷店的價錢。

去澳門當然要食水蟹粥，今次特登去左誠昌食招牌水蟹粥。間飯店唔難揾，沿住官也街一路行，去下手信店試食下手信咁就會見到。飯店有2層，唔洗點等位，水蟹粥好足料又鮮甜，再加個彈牙可口嘅酥炸墨魚丸簡直一流。

小妹出生於80後，自少在澳門出世長大，一直在澳門讀書直至畢業，大學畢業後在香港定居工作，已經有5年沒有回故鄉，今次適逢生日有三天假期，一於返故鄉澳門賭、食、玩😝小妹天生愛成，但是小妹食嘢有兩個宗旨:1 不吃貴只吃好味2 天生全個家族對味精敏感，所以不吃重味精的東西今次去澳門食了很多澳門人才會去的特色食店，與旅遊天書介紹的有別，很想靠OpenRice這個平台為大家分享一些平價又有特色的食品，好！我們出發了 🚀與朋友們在官也街附近吃了魚翅，感覺極度失望吃了好像沒吃過一樣，朋友們便提議到官也街最出名吃水蟹粥的誠昌飯店光顧。雖然我強烈反對，亦有介紹其他更好的水蟹粥，但是朋友們真的很想試誠昌的水蟹粥，他們覺得如此大名氣的食店，品質不會太差，最後我也屈服了與他們一起到誠昌飯店吃第二個午餐😞我們點了三道菜，包括馳名的水蟹粥、豉椒炒蜆、椒鹽田雞。事實上豉椒炒蜆很難出事，味道是正常的你略為偏鹹。椒鹽田雞＄88一碟而用雪藏的田雞，份量又不足，覺得有點不值，味道也是正常的。我們也點了大的水蟹粥價值＄220 ,我們在點菜時問店員大的水蟹粥內有多少隻蟹，店員說水蟹粥早已煲好，不能完全給你一隻蟹，聽了有點愕然，蟹

和朋友第一次初嚐澳門出名的水蟹粥，事前沒有參考太多資料，隨手找了一間地點方便的！食店很容易找到，而且不用等位便可入座。同行四人點了水蟹粥（大）、西蘭花炒魷魚、酥炸墨魚丸，除了水蟹粥，其餘兩蝶小菜分量不大，價錢偏貴。不過水蟹粥真的不錯，鮮甜，而且蟹也算多肉。

去左好多次澳門都冇食水蟹粥，所以今次一於試一試佢。我地嗌左一個細嘅水蟹粥同炸墨魚丸。水蟹粥：細嘅其實都夠3-4個人食。水蟹粥其實是三種蟹組合水蟹煲粥，膏蟹取其蟹膏，肉蟹取蟹肉，組合為水蟹粥，要成200蚊都好貴下。味道方面不過不失，唔係好濃嘅蟹味，冇咩特別，200蚊其實好唔扺。酥炸墨魚丸：都幾貴下，90蚊得12粒。但係係真係好食，唔似平時食個啲墨魚丸，好有鮮味，都幾彈牙，雖然貴但值得一食，至少係香港我未食過甘好味嘅墨魚丸。

誠昌飯店是另一間筆者會多次到訪的食店，最吸引的當然是水蟹粥。但經過一輪「掃街」後，大家胃納始終有限，最後只單點了一客墨魚丸外賣𢹂走 ($90/12粒)。 新鮮炸起的墨魚丸熱辣燙嘴，金黃外層酥化搶香，加上彈性十足的口感，好吃，值得推介！

同幾個老友襯短週過大海，諗住食下野輕鬆下，點知.........去到官也街，諗住去「誠昌」潮下聖喇！點知........點左水蟹粥、棘酒煮花螺、炸鯪魚球拼炸墨丸、椒鹽田雞同冬菇扒生菜只能夠講，應該唔會再有下次囉！仲伏感太強

每一年都會有四至五次到澳門旅遊…而今次已係第三次再到呢度，裝修沒有太大變化，牆上依然貼着有關『左麟右李』的報導，只是服務態度，一次比一次的差。是次評價，係總括數次的經驗所給。 第一次大概係五六年前，那次的水蟹田雞粥、炸鯪魚球最為深刻，味道真係唔錯。 第二次係大概兩年前，原意係想回味一吓，但味道已大不如前而且態度十分惡劣；今次， 原已選好…水蟹粥，椒鹽鮮魷， 炒伊麵，時菜……但家人想食飯，於是問一問侍應(當日喺三樓)，問佢有無炒飯之類，換來的是斬釘截鐵的一個回應：“無呀！”。 我有點愕然，唔肯定我有無聽錯，於是我再問一次：“妳講咩話？” ，亦是差不多的回應：“餐牌上面有就有，冇就冇！”。我同家人對望咗一秒，起身，走人，回應返佢：“使唔使咁寸呀？唔怪得少咗咁多人啦”。呢位侍應阿姐，如果妳目的係辣著我嘅話，ok，妳成功咗，而我就慳番幾百蚊，我冇理由畀錢換來一肚氣，官也街大把好嘢食。

黎到澳門，個個都話一定要食水蟹粥，因為澳門好出名，咁我同老公決定試下昌誠，因為之前有朋介紹過。一黎到就發現超多人等位中，基本上都要同人share枱，但我地冇乜所謂，因為最重要係食到正野。不過好好彩靠近門口有張枱係for兩個人，可以同老公撐吓枱腳Poster到已經貼左依度最馳名是水蟹粥，一黎到真的真材實料，成隻蟹，又有肉地酥炸墨魚丸同鯪魚球，我比較喜歡係鯪魚球，因為平時我係香港唔食，香港d鯪魚球好多骨，我超怕，但澳門d鯪魚球完全冇骨又唔腥蒜蓉炒西蘭花，好惹味！睇到有wifi超happy，但一入去竟然話今天已經滿了不能再用，so sad

黎到澳門，點都要試下蟹粥。呢次係我第二次黎呢度，今次兩個人黎所以點左一個粥同炸鯪魚球。<蟹粥>濃濃既蟹味仲有幾啖肉食下添兩個人食真係好多四個人食就差吾多推薦比食蟹既朋友<炸鯪魚球>真係好好味外脆內熱加埋個汁真係一流上枱既時候熱辣辣大家食既時候吾好咁快一啖放落口因為得兩個人食所以冇食到好多野建議大家多啲人去食每碟份量都吾錯今次去仲見到蟹膏伊麵下次一定會去試下

人生從未去過咁差嘅餐廳 永遠記得b1侍應生惡劣的能度 話我叫一個粥係黎湊熱鬧二百蚊一個粥都唔平 根本入面冇乜料 係度扮晒有四條後悔冇上黎睇食評先再決定去唔去食對住香港客同內地客用雙重標準，所有內地客有水飲下，我係完全冇！ 仲話自己港澳馳名，仲用「左麟右李」做推廣，實在嘔心嘔心太嘔心！一間食店除左野食要好食，服務態度都好重要。我係比劣評呢間野，根本唔係一間用心去做嘅食店。我唔想大家受到羞辱所以先走出黎講，簡直貼錢買難受。

澳門旅程黎到最後一日，周圍四處行行睇下有咩食？行到去官也街，見到一間貼住好多報紙雜誌介紹既水蟹粥飯店，未食過水蟹粥點算黎過澳門？二話不說就入去試下啦！入到去店員無殷勤咁招呼你坐低 完全無人想理你自己隨便搵位坐底後 茶都無杯比你 就黑口黑面問:想食咩？我地就話要個大蟹粥啦 心諗可能態度唔好姐但食物質素好呢？一邊好期待個粥會幾鮮甜。。。點知，由落單到上粥 全程唔使10分鐘，個粥唔算好熱，只可叫做暖所以一定唔係即滾，一早已經煮好哂係到裝岀黎就算！一啖食落口，根本無想像中既鮮甜美味，只食到好淡味既粥水，好多既蟹殼碎女朋友還試食了他們粥中的蟹件 一食就知唔係新鮮蟹，肉質(妹妹地)，唉， 一鍋賣成三百蚊嘅粥，可以用唔新鮮既蟹去煮 完全無棉既粥底！我相信我自己係屋企煮都會好食過佢！真心好失望，完全係一個伏！當買一個教訓 但一定無下次！

近年去澳門官也街，都無去誠昌，皆因早幾年食過，變得不知所謂，網上負評自然不少，今次俾多次機會，睇下係咪都係咁差！記得二十年前食過一次水蟹粥，簡直驚為天人！粥未入口，個鼻已經聞到強烈蟹味！成碗粥係金黃色！根本唔應該叫水蟹粥，應該叫膏蟹粥！果時細鍋都唔洗100蚊，當年甚至連食兩日先返香港。今次去到，蟹味完全消失，只有粥味，甚至碗粥都好似溝水咁，完全唔掛碗！蟹膏份量得返十分一，黃金色水蟹粥變成咖啡色！強烈感覺賣盤之後，只係一鍋略水嘅水蟹粥！好慶幸當年食過一次出色嘅水蟹粥，強烈推介大家唔好再去食！

第一次寫澳門地區既openrice 今次同班為食同事一齊到澳門覓食 事食大家做曬資料搜集 所以今次食到好多美食招牌水蟹粥一窩有一隻蟹 有少少失望 因為米唔算多所以d粥都好稀 可能我expect得太高？覺得味道唔夠鮮 所以overall黎講一般炸墨魚丸墨丸都唔平 好似$90得12粒 墨丸彈牙 咬開真係有墨魚粒係裡面架！仲要啱啱炸出黎熱辣辣 唔洗落醋都好夠味