誠昌飯店

營業中

休息中

3大兩小叫了蒸膳，水蟹粥，荷葉蒸雞，雞腳，竹庶水。首先膳同蒸雞唔新鮮，都唔計佢冇建議我地只有3個大人食唔曬半條膳。跟住先大鑊好在我只有我唔怕懶，個水蟹粥既蟹肉我一個人食左，一食落蟹肉有壓味，真的冇誇張，於是只食左隻蟹鉗就算。埋單9百幾好像唔抵食都唔緊要。返到酒店開始肚痛，痾左兩次，叫家人幫我買左藥（3百幾蚊）因為新濠天地附近得佢一間藥房。希望大家冇咁唔好彩食正好似係渠道捉的蟹味道咁啦。P.S.個人怎少寫食評。

朋友約咗他的澳門朋友打一場籃球友誼賽，當然唔會長途跋涉打場波就走，都要餵勞下個肚仔。時間不多打波地點在氹仔附近，朋友提議食蟹粥，一行四人去誠昌飯店水蟹粥當然是主角，香港賣水蟹粥多數時價，澳門定咗一個價只分大小，感覺均真，粥很甜，蟹也很大隻蟹鉗很大隻再叫炸墨魚丸，椒鹽鲜魷，炒時菜，因為打波不易食得太飽

一家人食我地決定食呢間我地都有幾個人鐘意食蟹所以我地一定要叫蟹粥好鮮甜又有肉都算大隻另外叫左墨魚丸拼配鯪魚球鯪魚無腥味炸得岩岩好墨魚丸個皮都脆身另外叫左個菜啦服務都不錯

今次來澳門遊玩，一早已經上網見到很多人推薦誠昌飯店的水蟹粥，作為蟹fans既我一直想試下是不是真的值得食。誠昌飯店位於很多港人打卡的官也街，交通也方便。由餐單見到菜式不算多，不過今次的重點也只是蟹粥，所以要了一份大蟹粥另外叫了幾個餸。水蟹粥鎮店水蟹粥一呈上檯已經聞到好香濃的蟹味，真是令人食指大動。雖然叫水蟹粥，但其實不是單單有水蟹，而是有膏蟹、肉蟹和水蟹三種不同的蟹煲成，真的是食過返尋味。分量也不少，大份水蟹粥也夠五個人食。酥炸墨魚丸拼鯪魚球鮑貝扒西蘭花總結水蟹粥必試，很有驚喜。店員很友善，我們食飽後向他們問路，很詳細地教我們怎麼行，令我們心情也很好呢。

在上年10月份，我第一次跟這位男朋友一起走到澳門兩天遊！幸好！兩日也天朗氣清！沒有影響預期的行程！這兩天的行程由他話事！卻並非由他請，就算每程巴士的車費，他也跟我計到足！他提議第一站先去氹仔官也街的 <誠晶飯店>！ 這裡食水蟹粥出哂名！就連香港歌星明星也是捧場客呢！氹仔官也街分店佔地兩層，樓上雅座設有洗手間！ 桌上已備有食蟹餐具，衛生方面卻要扣分！打擾我們的雅興！餐牌招牌水蟹粥 (大) $240很快便送上桌子，一大窩水蟹粥，兩日分享，平均每人食到 4~5碗；夠哂滿足！鮮黃色的粥底，質感幾綿！亦滿載水蟹帶出的鮮香！頗大隻的水蟹真材實料！蟹肉肉質鮮甜不腍散！白灼腰肝腸 $80他略嫌食粥太單調，點多一碟白灼腰肝腸開心 share！ 由於，他要減肥，豬肝多數由我吃掉！豬腰及豬肝火候恰到好處，食落鮮爽不黏口，腰、肝、腸以生菜墊底，實質份量不算多！勝在貨色新鮮！

去澳門旅遊之前又做過RESEARCH既你，一定知道呢間食水蟹粥既餐廳！老實講，食之前都擔心會唔會名不符實，始終聽唔少朋友講澳門既水蟹粥就麻麻地既～我地一行五人，所以叫左窩大既水蟹粥。蟹既份量的確比我想像中少，但都有D膏，同埋食落係冇發霉既味～粥既質地就屬於較稀，淡淡既蟹鮮味同用膏蟹粥煲到好杰好杰既又另一種風味，佢唔會影響到你食其他小菜既胃口。我地每人都食到兩碗差不多，我自己覺得二百幾過下口癮都抵食，蟹既所有部位都齊既，冇將貨就價，有風味既。炸墨丸一咬落去係熱到辣到，而且入面仲有一粒粒既墨魚食得到！佢係配鼓油既，但如果配喼汁就應該更PERFECT～跟住就到呢味椒鹽魷魚，我覺得就一般般，可能我慣食開重口味，食落個口應該咬到香口既椒鹽粉漿，但呢個就好諗⋯⋯對瑤柱伊麵本來冇咩期望，反而意料之外好食！佢瑤柱份量好多，伊麵吸曬瑤柱既咸鮮，每一淡都係好滿足既感覺！

來到澳門不能不吃的就是水蟹粥！已經不是第一次光顧的誠昌飯店，相信應該很多人都吃過la。我們到達飯店已經4點，因爲不是吃飯時間所以不用等，我地叫左一個細的水蟹粥 ($200) 。這間水蟹粥應該是澳門最有名的！因爲餐廳裏裏外外都貼滿不少的報道！和一些明星到訪的合照。 大概等左10mins 就有得食la，其實細的水蟹粥分量都唔少！可以分到3-4人份。 而裏面真係有一隻蟹係裏面的！！！水蟹粥亦十分鮮甜，食到蟹的鮮味，很不錯。裏面的蟹肉都很結實！！我地食到什麽也不剩。

呢排返工好忙好辛苦，所以難得weekend有時間就衝出香港去左澳門休息一兩日😌其中一站必去就係官也街，買完手信就搵食啦~😋男友話想試下水蟹粥，所以就揀左呢間誠昌飯店啦!我地6點未夠就入去，其實都已經坐滿到七七八八😯到了正式晚飯時間應該要排隊。佢既舖頭其實就係一間飯館咁，冇華麗既裝修，但平實得來都乾淨光猛，多數都係大買枱，所以我地兩丁人就同搭枱同另外一對人坐，不過都唔係好迫既。誠昌畀我既感覺有D似打冷舖，佢既菜式唔多，而且樣樣都偏大碟，所以我地得兩丁友，叫左個粥🦀之後都唔敢叫太多。千揀萬揀，男友揀左個豉椒炒花甲。其實有好多野樣都想食架，不過食呢間下次都係要4-5人以上先好，方便叫多D野食。難為我地見到搭枱個兩位叫左鱔又蒸左條魚🐟炒左菜🥦🥬但好多都食唔哂，有D浪費…同埋而家真係90%都係國內遊客，店員都好習慣性先講左普通話，之後你講廣東話佢先再轉返channel。為左迎合大陸遊客，呢度都可以用wechat pay同支付寶(大陸版)。先黎左個水蟹粥🦀，話細但其實都夠3個人食🥴🤣不過個粥底好綿，有甜甜既海鮮味，而且細碼粥都已經有6舊蟹腳或鉗😍🦀🦀啲蟹肉好鮮甜，唔會煲到冇味，果然名不虛傳👍🏼不過

去澳門玩既第一餐，因為酒店近官乜街所以就行左過去食晚餐。其實之前已經試過澳門其他既水蟹粥，但味道都一般。今次呢間誠昌飯店味道都唔錯，我地兩個人total叫左三樣野，包括招牌水蟹粥，鮮魷西蘭花同炒蜆。三樣野味道都唔錯，水蟹粥好鮮甜有蟹味，但好多碎殼。鮮魷西蘭花同個蝦醬味道好夾 但啲鮮魷有啲硬 炒蜆就冇咩太特別 啲蜆肉都算okay唔會話好細隻。Overall所有野味道都唔錯 而且分量都岩岩好 夠晒兩個人食唔會浪費 價錢都唔算太貴，算係抵食。

廿幾卅年前，此店的確有水準，近幾年常聽說到此店中伏。前幾天遊澳逛經此店，心想：衰極有個譜！與友幾經掙扎入內，店員鼻孔朝天、態度散慢、不理不睬。點了以前最出色的水蟹粥及蜆芥鯪魚球。用50秒就端來一窩不熱的粥（溫暖也談不上），粥不暖、蟹不是水蟹、蟹肉是霉。一分半鐘端來鯪魚球，沒有蜆芥，問店員怒視不答，悔氣取來一碟。魚球外皮是韌的，內心也不是熱的 。明顯兩款食物也是隔夜翻煮的。友人說得對，政府旅遊業有幫你這些店做宣傳，虧你店可以做得出這些！放心，有回報的！

在官也街其實選擇不多，其他鋪頭都是賣手信呀小食呀甜品呀。所以食水蟹粥呢間一定多人幫襯。正因爲人流旺，所以一定要一開門就去，如果有心食的話。話說嗰日我地見11:15 佢已經開始始準備緊，但是就話比我地知未入得住，叫我地一行五人12:00來。我地諗住行去影相嗰邊，不過諗諗下驚返來冇位，結果我地11:45 去到。原來佢已經放人入去好耐，我地要上到成三四樓先有位。有心食的真係早d，廢事呆等。1）鯪魚球ok ，d汁頗咸2）水蟹粥是必叫的食埋d蟹都吾錯，雖然有d人係吾食蟹粥d蟹，不過吾應該浪費食物我覺得3）餸飯之選醬爆雞，入味4）時價的薑蔥炒蟹，如果冇記錯，大概是6/7百元，我地全枱人都中意食蟹，所以ok，我覺得食這些中式蟹好過在葡式餐廳叫咖哩蟹嗰啲，因為始終中式的是新鮮d。4）鮮魷，多人齊齊分吾錯

在澳門的晚上，我們一行幾人因為住氹仔附近，所以決定嘗試在氹仔那邊食誠昌出名的水蟹粥。🦀入到去環境一般，座位的確沒有那麼舒適，像是室內的大排檔。我們不用等位就可以入座，人流不太多。食物質素不過不失，我們叫了幾樣餸。酥炸墨魚丸 -$90 有12粒，都幾貴，但同一般出面食的不同水蟹粥- 粥不是好濃蟹味，不過蟹入面都幾多肉。鮑魚-每人一隻，都唔細，入口彈其他炸物-不過不失食物不過不失🤓沒有驚喜 也沒有失望😕下次未必再食呢間，會試下其他美食。

態度差，食物質素差，價錢貴，中伏了…首先， 餐牌蝦同蟹都寫時價，問佢幾錢，態度差，好似唔想講咁，蟹，17至19蚊一兩，一隻有兩斤， 我話食唔曬，跟住黑面～ 蝦， 問佢點計？佢話360同520， 問佢係咪一斤嘅價錢，佢話一碟嘅價錢，中蝦360大蝦520，大蝦佢話得四隻… 今日要咗四樣嘢4樣都中伏！食左九佰幾，食垃圾……蝦肉霉，田鷄肉爛哂的， 椒鹽鮮魷呢啲咁基本嘅嘢都做得唔好蝕， 炸得太燶粉太厚， 鮑魚冇鮑魚味……

去澳門遊玩，當然要做下資料搜集啦！上網搵到呢間水蟹粥幾出名，到左澳門當然要試試佢！我地4個人叫左碗小既黎試下，我地呢堆人對佢既期待值幾高，黎到見到隻蟹當然馬上開動！食後感都吾差，有蟹香之餘，d粥都幾綿，黎到澳門都可以一試不過服務方面，就有小小強差人意啦店員服務態度不太好，特別係落單，睇得出佢好吾耐煩，好想快d落完單走人，希望可以改善下服務態度至於環境方面，其實就同一般香港既大排擋飯店一樣，但店面稍微有d擠迫

馳名水蟹粥(大)(約6-8小碗份量) MOP240呢煲水蟹粥都幾足料！粥底有齊哂膏蟹、肉蟹同水蟹。粥面望落好似無乜料咁，其實裡面收埋咗好幾嚿蟹鉗同蟹腳，啖啖都係香甜嘅蟹肉。軟綿綿嘅粥底夾雜金黃色嘅蟹膏，本身應該會好滋味，但食落先發覺，粥味淡，並無預期中咁鮮甜，亦都唔覺佢有吸收到蟹味嘅精華，情況就好似蟹同粥兩者，都係分開煮完再擺埋一齊上枱咁，雖然無辦法確定佢係點煮⋯炸鯪魚球拼墨魚丸 MOP85 呢幾嚿墨魚丸呢，唔好再提⋯ 伏已中⋯連另外兩位同行嘅朋友都覺得好伏⋯外表睇落好似幾香黃金脆，但一咬落就出事， 懷疑攤凍咗一段好長嘅時間， 好淋，完全唔爽口，求其嚮街邊搵粒墨魚丸都好食過佢。好失望！