義順鮮奶

營業中

休息中

趁天氣好, 星期日同老婆和朋友一家三口黎個即興澳門一日遊。 雖然係香港分店已經食過, 不過一場去到大三巴附近, 都走去聞名已久嘅澳門義順雙皮奶試試☺因為係星期日, 客人都幾多, 不過都未坐滿, 唔需要等位, 我地一行4人加個2歲半嘅小朋友見到有張4人卡位便坐上去, 但店員話我地卡位坐唔落, 叫我地起身去坐隔離放左5張圓櫈嘅小枱, 我地雖然唔願意, 不過我地都明白去老店食野都係跟足店員指示坐為妙🙈但係2歲半嘅小朋友坐唔到圓櫈, 唯有佢媽媽抱住吃, 而另一張櫈就放我地隨身嘅背包, 因為有帶小朋友, 所以隨行物品都較多😓我地點左2個招牌雙皮奶, 1個蓮子雙皮奶, 1個紅豆雙皮奶, 食物好快就到, 係我地開始食嘅時間, 店員過黎都我地講d圓櫈唔可以用黎放物品, 收走我地一張圓櫈, 結果我地4個大人, 要1個抱住小朋友, 其餘3人1人攬住一個袋黎食😰咁嘅服務, 就算點好食我地都唔會再幫襯, 更何況d雙皮奶都係名大於實🙈店面唔大紅豆唔好食, 呢款唔係好食到層雙皮蓮子正常味招牌雙皮奶唔錯, 不過食唔出同香港有咩分別

好耐冇去澳門，過去找吓d舊式糖水甜品先今次就去義順牛奶試左個凍蓮子雙皮奶和凍冰花燉雞蛋，店舖既裝修同以前在議事庭裝修一樣，以前都多人幫襯，現在更加多，全店座位爆滿所以要一坐低就叫嘢食完就要走蓮子雙皮奶，好多蓮子在雙皮奶上，蓮子好好味唔苦好淋好粉，雙皮奶好香奶味食落好滑真係好冰花燉雞蛋，見到已經想食，因為見到表面好滑好靚食落真係好滑而且好香濃蛋味，另我重拾返失去既味道宜家除左糖水甜品，還有其他小食，不過一次係食唔晒，祇好下次再來或且在香港食啦！

雙皮奶超香滑啊！我覺得熱食 奶味都吾會太酥但如果食開凍 真係超推介配埋紅豆！紅豆甜而不膩 雙皮奶又滑飯後甜品 正😍😍但佢加價愈黎愈高想平平地得閒食下都吾可以了坐既位置都好多

老字號等位有難道,只好分開晒食,種類唔多只做專科招牌雙皮奶,熱嘅滑好多奶味超香濃唔會太甜,凍食膠質重小小奶味更濃有小小騷味而且甜小小,各有喜好蓮子燉雞蛋-蓮子超林好鬆化好香,雞蛋雖然熱食但比較甜,蛋味好香食到尾都冇出水又滑,老舖秘訣真係想知點整

澳門嘅旅遊書其中一個必食景點一定係「義順」，佢出名係因為「雙皮奶」呢三個字，黎到又點可能唔食呢😆 呢張相係牆上其中一個角落，見到隻牛仔好可愛唔通我買係用乳牛既牛奶做？一人食一碗唔使爭😂😂😂（凍）馳名雙皮燉奶 $30雙皮奶食落好重厚既牛奶味，而且滑身既質感口感好creamy 😍👍🏻 甜味適中。夏天食一碗冰凍既雙皮燉奶真係好透心涼❤️（凍）紅豆雙皮燉奶 $33其實只係雙皮奶上面再奇多左紅豆，多左一種口感，但個人口味覺得都係原味既最好食！😁😁😁

很耐冇泥過澳門，難得泥到，更係食出名嘅雙皮奶，去到義順，見到雙皮奶已加價至30蚊，不過一場泥到，冇理由唔食嘅，咁我地就叫左兩碗熱嘅雙皮奶，加個菠蘿鮮油包。兩碗雙皮奶好快就泥左，咦，點解睇落冇層皮嘅… “不”落去水旺旺…點“不”都冇一層皮嘅野，仲大把水… 我見咁唔對路，就問下隔離枱，佢地雙皮奶係咪咁水，冇雙皮…點知佢地話佢個碗係“傑”嘅…所以，忍唔住問丫姐係咪泥錯，比左燉奶我，點知佢話我地熱嘅，做唔到雙皮…咁佢叫咩馳名雙皮奶…叫燉奶啦…仲有，啲水係糖水泥奶wor...但我地點“不”都冇似燉奶嘅嘢囉…個丫姐先換番個凍雙皮奶比我地，話凍先有雙皮…佢態度勁差，不停死撐，仲講到好似我地呃佢嘅燉奶咁…食到一肚氣ps 佢個菠蘿鮮油包，好似隔夜叮番熱咁，扁撻撻，菠蘿包皮掉曬…外貌嘔心…不好吃…不值一試，好垃圾，自己燉仲好過佢多多聲，不用為左層雙皮比佢賺30蚊…

訓完一晚冇野做，於是去行下大三巴，順路黎呢間義順（係議事亭前地沿新馬路再行多一兩分鐘）基於前一晚已經食過第二間，所以我冇叫雙皮奶，只係食左一啖，但係都feel到好滑凍雙皮奶($30)而我就試左椰汁鮮奶，一杯充滿椰汁味同濃郁嘅鮮奶味，非常滿足椰汁鮮奶($33)想黎食要睇住時間，呢間收工幾早下

位於新馬路，由”檸檬車露"行過黎大約8分鐘（500米） ，而噴水池個間義順己經執左。應該都有5年無幫襯過義順，加價加得太離譜，而家雙皮奶賣到＄27蚊一碗，傻的嗎？入到店，店員無乜禮貌都好平常（出哂名）。聽其他食客D對話，應該全店清一色係旅客幫襯。凍雙皮奶（＄27）一入口，奶味超濃無得輸，不枉佢標榜有專屬畜牧場！至於質地，滑唔滑一睇就知，勁鞋口，凹凸紋超勁，有圖有真相，似乎係火喉或者時間控制得唔好，而且明顯無雙皮，莫講話澳牛，相信元朗求其一間甜品店D燉奶都滑過佢。整體而言只可以話係奶味搭夠而僅僅合格，賣27蚊實在太不值，相信未來5年亦唔會再黎食。如果因為奶味而幫襯，不如返屋企飲北海道 3.6好過，買一大盒都唔洗27蚊。

那天帶着大陸落黎的親戚們去吃有名的雙皮奶（親戚們的朋友告訴他們訪澳必試，於是嚷着要去）看來年紀大的媽媽很快要加入寫食評一族了請留言一讚我母親，謝謝講番正題，落單時哥哥仔話雙皮奶只有凍食熱食其實就等於燉奶。一共叫左兩熱兩凍黎下。一致認為只屬一般水平，口感尚算夠滑嫩但奶香未夠濃郁。「雙皮奶專賣」這噱頭確實吸引十分多遊客光顧。遊客有如車輪轉一樣食完就趕快換下一round. 人頭湧湧導致無法好好品嘗奶品。總結一句：遊客們繼續去逼吧。

今次大概係最後一次去澳門賭錢咯，埋尾嚟呢間咁出名既義順牛奶公司試下佢個双皮奶，果頭點，轉頭就送上來了，一碗冷冷又充滿濃郁奶味的双皮奶，表面上有一層薄薄凝固了的脂肪，食入口好果種口感真係好似葡達果餡咁，又甜又滑～一碗廿幾元，三爬兩撥就食完了。就緣再嚟澳門真係可以再試過。

行程最後一站嚟到議事堂前地，因為已經3點幾，所以去搵下午荼食媽媽一早做左research,所以即刻去左義順，奇怪地下午吾係好多人，媽媽叫左traditional 嘅雙皮奶，新鮮滾熱辣，唔錯，我嘅紅豆雙皮奶就...紅豆好硬唔好食D侍應惡到死，好冇禮貌總結而言吾太抵食

每次去澳門一定要到這家店吃-燉奶~香港店的食物款式,沒澳門店的多,味道都是澳門店的好吃 (真的~ ((○゜▽゜○)近大三巴的店又多人又迫,所以就行前多N條街去另一家分店吃,嘛...這邊人流少些,不用等,坐得又舒服。(￣∇￣)口感超滑,奶味很濃,甜度適中 (超讚!大愛!!!~(♡♡♡♥. (///♥д♥) (喂!夠了不是要留肚子吃別的東西,真想多叫N碗~這個呢,是友人喜愛的,甜甜的椰子雪糕配上滑牛奶,好喝~(*´∀｀*)下次再來澳門必會再吃~(　ﾟ∀ﾟ) ﾉ♡ (什麼時候再來呀? (咦)"

行程最後一站喺到議事亭前地，因為澳門搞咗個荷花節「荷花樂滿城」，晌澳門唔同地方擺設咗以蓮花為題嘅花展，噚日晌龍環葡韻影咗一輪，今日再嚟議事亭前地影多轉。行咗半日，相又影完，經過義順就幫襯吓食個下午茶，因為老婆食完晏晝嗰餐都仲飽緊，所以我哋3個人叫兩個糖水一齊食，志在滿足吓貪食嘅慾念。凍雙皮奶 MOP22面頭泛起一層薄薄皺皺嘅燉奶奶皮，不過食到底下，就唔喺好覺有第二朕奶皮，因為做到底面有兩層奶皮，表示先後燉過兩次，燉奶自不然較為濃郁重奶香。不過，依回嘅雙皮奶奶味不俗，唔過甜，又滑溜，仍然喺有水準之作！凍紅豆燉蛋 MOP20冰花燉蛋又喺義順另一名物，試完奶香重嘅雙皮奶，輪到依個以蛋味濃為賣點嘅燉蛋。蛋味未叫得強勁，但食落一朕清甜，放入口「嗗咯」應聲滑入喉嚨；而紅豆落得一啲無手軟，一大「pat」堆滿碗面，味道清香又軟腍，老婆最鍾意食紅豆，佢就對個紅豆燉蛋讚不絕口。食埋個甜品下午茶，有個完滿作結，又喺時候搵穿梭巴士返酒店，收拾行裝搭放船返香港。

食過早餐後來食個雙皮奶才回港, 上次食過保健完全不行… 所以還是幫襯義順, 香港的義順我倒沒試過, 聽聞不太行.早上沒人食甜品吧, 店內人不多, 叫了個熱雙皮奶 $18熱辣辣的送上, 很燙呢! 其實我不知雙皮奶為何叫雙皮奶, 我只當它燉奶般食.雙皮奶很滑, 稀得黎又是凝固的, 每啖都滑到喉嚨那樣.奶味很濃而又不太甜, $18好像和澳牛差不多價錢.到我們走的時候已見陸續有內地同胞進來了. 看來早上這些時間來食挺好.

平時行過都見到呢間店好多人，平日晚上時間路經此店，竟然全店冇客，我包場剛剛食完飯，入去食埋碗甜品就夠晒喉喇蓮子雙皮奶好夠奶味，唔算太甜，加埋蓮子，真係冇得頂