紅記飯店 (已搬遷) 新店位置

這一個月吃下來，可推介的食肆超多，正煩惱應先寫哪一間，在翻看相片，就以紅記的使我唾液不禁濕潤口腔，肚子又有點餓了。說到底也是吃中菜長大的，潛意識總想回到舊有安全的美味回憶裡，只是現在不坐街頭大排檔改坐舖內，以滾茶洗杯碟筷傳統繼續。紅記專做燒味小炒，那用來點雞的杰身甜豉油令人欲罷不能，燒肉也又脆又香，最好斬一碟先填填肚子來等其他小炒上桌。腰果蝦仁，是每位小朋友的至愛，都因為鬆脆香口的腰果。記憶帶到今日。蝦仁是雪藏的，但也非常爽口入味，以青椒及洋蔥一起炒過更夠鑊氣。吃小炒就是要吃鑊氣嘛！海鮮扒豆腐。用上粉紅尤魚、白色墨魚、大蝦及一些像花膠的材料，豆腐都炸過，金黃色，外脆內滑。驚喜是那不知名的像花膠的材料，很重的膠質，卻非常濃味，比其他材料都搶鏡。黑椒牛肋骨煲。你還記得在哪個年紀開始有黑胡椒這回事？大概是二十多年前吧？都用來醃牛扒豬扒，後每個家庭主婦都愛用，因小孩都喜歡吃。此牛肋骨肉嫩且帶一點肥肉，黑椒汁的野味，送白飯一流。吃小炒，白飯不少得。此家「靚仔」白白淨淨、粒粒分明好餸飯，不變的疊在白飯碗上高至半圓。碟碟五十，三餸加兩碗白飯，兩人竟吃得乾乾淨淨。免茶，埋單不需二百。雖現在說是開在遊客

去澳門聽演唱會, 喺旅遊書裏面介紹嘅呢一間不太起眼嘅飯店, 試下先! 腰果炒蝦仁 - 腰果炒完都唔會腍, 食落都係脆既, 不過蝦仁就唔係太新鮮. 义燒, 燒腩仔 - 义燒係呢度招牌菜之一, 但係又唔太大驚喜. 反而個燒腩仔個皮脆, 味道都唔錯. 生炒骨 - 呢個做得唔錯, 外皮脆口, 心內軟, 而且個酸甜汁都好味. 蝦醬腩肉蒸豆腐 - 一上枱已經聞到好香嘅蝦醬味, 腩肉爽, 豆腐滑, 唔錯. 例湯(蓮藕煲豬骨) - 飲唔到有味精, 而且唔係一d 溝好多水嘅例湯. ok! 菜胆雞 - 雖然雞味唔太濃, 不過雞好滑, 味道都唔差. 椒鹽鮮魷 - 個脆漿唔平均, 而且唔太特別. 一般啦! 薑汁炒芥蘭 - 芥蘭都算當做, 所以幾腍幾嫩, 但薑汁味唔多. ok既. 糯米飯蒸蟹 - 奄仔好新鮮又多膏, 而且糯米飯吸收晒蟹嘅香味! 好味道!P.S. 多謝一班朋友給我的驚喜! Thank you very much!

係澳門放工, 同幾個同事一齊去食晚飯, 非一般既粵菜, 好味道... 尤其佢既南乳雞翼, 真係無得頂呀...