添發碗仔翅美食

營業中

休息中

從來也沒試過在接近深夜的零晨時份己魚翅當宵夜，我想這是大半生人以來唯一的一次了。為何會是選擇接近零晨時份約11:40p.m.呢? 主要因為老公買了一個奉送早餐和晚餐的自助餐的酒店套票，自助餐吃得我倆肚子飽飽的，往後那幾小時再也吃不下澳門的美食了，於是要等到胃部將所吃到的自助餐食物陸續消化掉，我倆才再出來覓食。在此提醒各位愛吃的一族，千萬不要貪小便宜而錯過澳門的美食啊!最近從旅遊書閱讀過所介紹有關添發的魚翅，知道她們以真材實料來俘虜食客的芳心。這夜看完澳門的煙花表演已是10:20 p.m.其後在附近散步，直至我倆感覺肚子的食物消化掉才步行到新馬路的添發碗仔翅美食。今年七月份到過澳門旅遊，當時沒有帶備"旅遊天書"，只是偶然經過福隆新街，看見添發門外有長長的人龍，於是第一時間拿起相機進行拍照這壯觀場面，但由於當時天氣酷熱得很，我倆又帶著疲倦的身軀，便沒有排隊光顧。雖是這樣，回到香港後也立即查看添發的食評及將"添發碗仔翅美食"的人龍照片放上Openrice，只要"click"入相片一欄，便可找到那張本人所拍的添發人龍照及右下角的日期了。當時還沒聽過"添發"的名字，後來從網上查看後才得釋在當地原

去過一次,地方較細幾個人, 叫o左幾款.料 so far 都夠, 不過就好鹹.

剛9月27日試完D翅 , 味道是可以的 , 幾十蚊有呢D食材分量見下人都可以算是吸引到人 , 難怪幾十本大大小小澳門旅遊書仔都咁支持呢檔野 ( 可能係唔夠料 , 互抄 ) . 佢地用味精都落得幾重手 , 老實講 , 家下D仿真急凍翅急凍魚肚又有幾貴 , 臨走時 , 聽街坊講 , 未賣廣告之前 , 潻發D翅都係十蚊八蚊碗 , 被各大書仔煲完後 , 價錢都幾倍咁上 , 仲至未試過可以食下既 .

32度烈日當空下排左35分鐘入到去叫左兩個$45蚊兩煲翅一來熱到滾,面頭d翅都十分多賣相不錯.點知第一口食落去,好明顯係用雞粉加生抽同老抽煲成既湯底而唔係用雞去煲湯底之後食翅,d翅有雪味同係大昌果d差不多.或者自己係屋企煲都得好老實唔值得等,澳門仲有好多美食

是第一次來到, 個舖頭好細, 坐到20人, 一大埋人還是不要來, 店內算是清潔我同女朋友叫了一個清湯翅($75)及一個魚肚翅($45), 名字其實不太記得, 看價錢吧....的確是一人一煲仔, 說穿了其實是煲一大大煲, 之後再倒落個煲仔度, 再煲煲比你, 不過幾十元, 唔好有咩要求....先講魚肚翅, =雞絲翅, 不過是加了一d魚翅落去, 味道覺得比雞絲翅好d(心理上), 所以去到不太建議食(山長水遠食不如豪少少食好d); 清湯翅, 翅個size比魚肚翅大一倍, 翅算多啦, 材料還有雲腿, 雞絲, 加上清湯, 好過食魚肚翅很多, 煲翅到香港d酒樓食, $200.00please服務方面, 一般啦, 基本上多謝都會有, 問咩都會答, 不過冷淡d..總括來說, ,唔好諗住飽肚, 當飯前湯水, 幾十元價錢都值得一試, 不過我下次會食貴少少個d

添發一向深受港人愛戴, 的確係, 因為每次去都大排長龍~ 因為45蚊就有翅食, 真係好吸引既!! 而且仲要係一煲煲咁食, 真係幾過癮!! 想當年未調舖位既時候, 係0係條街度食, 因為冇座位, 而家轉左新舖, 一定要入去坐住食, 等都等耐左, 而且街邊食過癮好多, 好有風味~ 但而家已經冇lu~~ 不過你要求既, 店主都仍然會俾你坐街食既~ 講番煲翅, 食左"招牌魚肚海參煲仔翅", 45蚊位的! 都好多翅呀~~ 仲有好多魚肚~ 但海參就少D~~ 同埋比以前少料左! 不過都仍然好夠份量!! 味道亦都唔錯~ 普通碗仔翅既味道! 不過就真係整得好慢~ 可能要逐煲煲既關係, 又多人啦~ 同埋個老闆有D唔休做既feel~ 服務態度麻麻......... 環境迫....... 唔太好坐!! 整體係好味的!!!

試過兩次~ 覺得沒什麼特別一排排的翅的確有真材實料一試無妨伙計表面上很有禮~ 但有點不近人情可能想每位客人也點一份吧

兩年前去過. 當時係依家間舖行上D. 要企係度食, 當時覺得真係好好味. 三十幾蚊碗都算OK啦, 前日再去一次唸住回味吓, 感覺完全唔一樣. 口味好鹹, 有D依飲生抽咁囉應該唔會再去囉. 已且仲加咗價. 加到45蚊碗. 加成10蚊. 遍貴. 唔掂

D魚翅好好味，^_^，來多煲先！！！！ 兩煲落肚，舒服曬啊！！！ 哈哈哈，當然之前沒喫也，兩煲算繫甘啦！！！！其實平時都是喫一碗飯而已，但是，D魚翅甘好味，喫多D慰勞自己！！！

2個人仔食完祥記後都未包, 更係繼續食食食啦!!岩岩添發開門, 岩岩到我地時得返兩個位, 簡直超lucky呀!!叫左個$45翅, 唔叫$70翅皆因旨在一試姐~ ($45同$70分別在於翅既大小)但等上菜, 就真係等左好耐~ 人既一生最多時間係用左係邊呢? 咪就係等囉!!好~ 終於都上菜喇~正呀!!成個瓦煲熱辣辣, $45蚊食到哩個質數既翅真係抵呀!! 除左翅之外, 入面既海參都好好食架!! 不過係d雞絲就太鞋口喇~ 香口膠都滑過佢呀!! 但總括黎講, 個味都唔錯架!!點解添發唔做大佢呢? 我估附近d舖租應該唔會太貴呀? d人等等下就無耐性等架喇~

睇到最近一次食評，都係評添發嘅翅，咁啱今日去澳門食過，所以也評一評，湊湊熱鬧。12:30pm同事已帶我哋去到店舖，店舖細細，都擺三張圓檯，仲有一行面壁位，超迫！不同材料嘅翅，不同價錢，唔太好翅嘅我只同其中一名同事share $45果款！而未食早餐同事就order左$70果款，不同的是：翅多啲！未夠一點，外面已有人龍，好彩我哋早左少少，如果唔係於滂沱大雨下排隊，真係唔好搞我。$45 同 $70 果然分別頗大，當然啦，$70 款多啲翅，所以借左同事果煲拍照。味道方面，其實名過於實，啲翅及配料味淡，大家只係靠自家加嘅醋改變煲翅嘅味道。$45 好明顯真係份量少好多，但咁嘅質量嘅翅，應該試過就算數！

這是一個遲交的報告, 事發已經超過兩星期。同女友兩日一夜到澳門玩, 尊誠到添發食翅。問左多好人至搵到, 好在澳門人幾順得人意, 離遠見到斜路勁多人, 心諗又要趕船返香港, 實食唔到, 點知原來多人等外賣而已, 等十分鐘就有位。舖頭好細好逼, 冷氣亦唔多夠。人地話食$45已經好正, 問伙計45財與70財的分別, 佢話無分別, 係大條翅d。咁就有大食大, 幾大就幾大, 一於$70....................................等....................等好耐............................等好鬼耐...........................等好鬼死耐.................................終於等到...煲仔上, 料好足, 好熱, 趕時間, 要兩個碗"畢"開食, 否則食到船開都未食完。湯底食到有雞&金華火腿味, 料就有海參, 花膠, 火腿粒, 同細塊三角型的魚翅, 好似有冬菇...唔係好記得。湯底幾好, 但係漿粉多左d, 好杰下。材料就麻麻, 無味, 好心就先將材料煮過入味先啦, 無味之餘仲食

去到新馬路個邊 ,就試下啦點幾鐘 ,剛開鋪 ,無咩人初頭叫30蚊個個 ,老細話翅份量少唔做喎咁就叫左個45蚊既試試的確幾足料 ,又夠熱 ,好好味結果夜晚11點幾又去買左碗70蚊既返酒店食

網上很多人推介，既然到了大三巴，當然要試試。澳門人還挺熱情，問了數人終於找到了，門面真的小，差點過門而不入呢！　　大概是已過了晚飯時間（21:00pm)，竟然沒有客人？　　點了＄30及＄45元的翅，45元的用煲仔上，相對來說似乎比30元的份量多了許多，材料也較實在，與其他的食物相比，價錢也算公道。

添發碗仔翅真係我食過最好味既翅～好食過好多大酒樓煮既好多～料又多又大碗～正呀～個湯底一流～次次過到去澳門我都必定要食一碗先安樂～呢個真係得～而且又平靚正～