添發碗仔翅美食

營業中

休息中

星期日下午12:20分鐘左右來了這裏,這裏是開1點的,但是勁多人,我們好彩是最後一張枱,已滿座,我們每人叫了一個海參魚翅(45元),落單要等半小時左右因是即叫即做的,這裏是分價錢的叫,只要告訴他們價錢就可以知道你叫甚麼,我們還叫了一個豬腳薑試下,25元大份量,有15元小份量,嘩,出面勁多人不停的來,好多人係出面等,等到見有人叫外賣都改叫外賣,我們等左半小時左右,d翅來了,嘩,熱辣辣還在滾的,好熱呀,等左一陣先食得,好多料,有雞絲,竹笙,海參,好大塊魚翅呀,d翅好好味,好爽口彈牙,竹笙都好好味,好爽好入味,食完呢碗翅真係會出晒汗的,不過45元有咁多料又幾大碗真係好抵食,豬腳薑味道好酸,不像平時一般食開的,但豬腳都好淋好入味,雞蛋就不是太入味,可能剛剛放落去的,我們一路食,出面d人越嚟越多,不停係度問要等多久,好混亂,我們離開見門口已有兩條隊在排,好誇張.

十二點幾落船第一時間衝去排隊..好彩時間算早唔洗排好耐, 大約45分鐘度啦!五個女仔食左$230,3-4人既花膠海參翅..每人都有成一碗多d...3-4人食既話, 應該每人都有2碗..份量算足料.呢個翅好味在於湯濃但又唔會覺得有味精(但有冇真係見仁見智), 翅, 花膠,海參都好多...仲有, d雞絲好好味..下次會再去...p.s. 我見可以外賣, 但我覺得坐係入面食好d, 因為上枱時熱辣辣..好味好多!

排左半粒鐘先有位，菬單後又要等多十五分鐘先有得食。四個人叫左 1煲75蚊2煲70蚊1煲45蚊，45同70既分別係45有3疏翅70有多2至3疏翅味道一樣。75蚊基本佢係一煲翅湯味道好濃超好味，食過75蚊之後就會覺得70蚊差d。食完出來終於知道點解門口有咁多人排隊喇，由落單到上翅都超慢，樓面只得一個成日擔住口煙(無點火)既男人，佢d態度真係麻麻唔休做咁。排得咁辛苦無理由叫 18蚊同30蚊架啦 !但如果真係要叫就要買外賣喇可以係門口企街食又別有一番風味。

12:30到達，但還未開門，最初諗住行陣先，之後回頭一看，見有人排隊，便即時行去排隊，因排在我們前面的是一行11人，老板桹便比他們入去坐住前，順道比埋我們入去。但都要等到1:00職員才問所有人食什麼，提提大家，落order時只需講價錢，不用說要什麼翅。所以其實可以早啲到，之後便不用排隊等咁耐。入面只有三張圓枱(共坐18人)及4個對牆位。

嘩！勁多人排隊呀！係咪真係咁好食架......為咗試美食，冇辦法喇！都要排架喇！間舖好細咋......所以好多人都買外賣係舖外食，無論如何，我点都要等到位，入去坐住嚟食，先有風味嘛！ 1) 招牌海參魚肚煲仔翅 $45咁大煲，好抵食呀！材料丰富，有魚翅、海參、竹笙、金華火腿及鷄絲......正！2) 竹笙雞絲碗仔翅 ($18)味道一樣咁好......抵食！ 食到一滴都冇，真係好好味！

咁既價錢唔好咁多要求啦,$18當碗仔翅咁食囉,其實真係食唔到好多翅,$30果個係就係多d,不過頭頭尾尾果d位又少少韌啊,下次去試下有花膠果d先,其實個羹推得好好靚,值得一讚

＄３０得２塊迷離翅仔份量小，雞絲能如數數出，味道一般，仲要得一小碗．．．每人都要消費，＄１８更加不要提覺得名大於實，可能出左名已大不如前

My family went to this shop in Macau for 碗仔翅 last month. The soup tasted like fresh thickened chicken soup. There were a lot of stuff like pork and shark fins within the soup for a good low price. They basically have 2 different prices for the soup. We liked the lower priced one better. If anyone likes shark fins soup should give this shop a try.

看過openrice 的澳門版, 上星期跟著笑臉指數搵好嘢食, 果然呢間的碗仔翅十分足料,好味指數爆燈, 以呢個價錢來講簡直值回船票價錢。我也是最喜愛招牌海參煲仔翅$45, 真材實料, 魚翅口感十足,仲有海參, 竹笙, 金華火腿等, 下次來一定推介俾朋友去!

和朋友的兩天澳門遊，食到邊被人話到邊，連搭的士都被人話上車慢，自問我們都係有禮貌的人，係咪我們這班香港人打擾了澳門人的優悠生活呢？尊貴的澳門朋友，我明白你們不需要我們光顧生計也沒有問題，但確實地我們和其他人一樣已走進你的店內而又將會付款，請你們提供合理的食物之餘也可以加點人情味。旅遊書的介紹可能為你們帶來不少麻煩，但也帶來不少生意，錢也確實進了口袋裏。同時也請你們敬業樂業，如真的不需要多餘的遊客幫襯，你們大可只招待附近的街坊擺了。好彩這兩天試過的食物都算幾特別，唯有將呢d不快經歷當作笑話同人講，詳情請看小弟其它澳門食評。作為澳門美食之旅第二站，望見長長的兩條人龍(一條堂食、一條外賣)，立即加添了一點信心，偷看店內一個個燻黑了的煲仔熱騰騰送上的"碗仔翅"，吸引我的已是那個煲仔，而並非煲內的魚翅。食物：$30豪華碗仔翅：講真和普通的碗仔翅差不多，只是用料比較充足，收$30都幾貴。$45煲仔翅：其實同$30又差不多，可能多d料同埋用煲仔上，個煲仔係重點，風味好過用碗仔上好多。笑料：店內只有三張六人檯和一排面對牆的四人位，我們一共六人，其中一檯走了四人餘兩人，老細有禮貌地"呼叫"我們其中四個入

在香港想吃平價又好味的"魚翅"，已經要追溯到童年時代的街邊碗仔翅，既足料、有肉味、又夠熱，現在香港店舖的碗仔翅，不知為何，就是弄不到前輩們的水準。到了澳門，終於可以再次嘗到既好味又平的魚翅，而且還要是真的魚翅。我點了一個第2最平的翅及一個貴一點的煲仔翅，原本expect 貴一點那種應該比較好吃的。怎料，另一半與我有相同感覺: 兩種都好吃，不過便宜的味道更濃郁，但煲仔翅料比較多，保存食物溫度的時間亦相對較長。如果你是很有錢的，不用刻意來排，跟你在酒樓吃的都差不多~ 但平民的你，排一陣子便可以嘗嘗又便宜又好吃的魚翅，也是值得。有太陽的話，記著帶傘子遮陰，可能需要排一段時間的~

今日跟朋友去澳門, 每次到澳門,一定會幫襯添發碗仔翅, 貪那裏的碗仔翅材料十足,價錢實惠,味道更是一流。而我最喜歡食招牌海參煲仔翅, 約 $45, 材料丰富有真魚翅, 海參, 竹笙, 金華火腿及鷄絲等,真係食完想再食,是澳門的美食必選,值得推介。正呀!

去到之後, 發現有好多款價錢的翅可以揀, 我哋亦叫咗好幾款, 有$70 / $45 / $30 / $18, 但嚟到之後發覺其實個湯底都係一樣, 只係啲翅的大小區別. 最後得出結論, 其實食$30的豪華碗仔翅已經OK.

$70 大大碗仔翅, 超級好味,最重要是足料,好味,熱辣辣,簡直令人噴飯的碗仔翅,Super Super.食髓知味,食1碗不滿足,還要食多1碗,哈哈哈,keep fit 大計取消.

這店下午1時才開店，幸好我們來到已開店。不過這店很少，只可容納16人而已。而且除了翅外，很少別的食物。我們點了：一碗豬腳薑－－豬腳只有一少件（其餘是骨），蛋一只，薑數件。本人認為至少有２件小豬腳吧，數目太少不夠盡興，醋汁就很美味！及一碗30元的豪華碗仔翅，在碗中心，有一件很少的翅，其他材料如平日的碗仔翅般。我們不用半小時便吃完並離開。因為那兒很少，坐太久好像阻礙他們做生意似的。