8
1
0
電話號碼
+853 82908628
開飯介紹
獲獎無數的丹桂軒是著名的高級粵菜食府；不論是粵式點心，還是巧手小菜同樣格調高雅。
繼續閱讀
營業時間
今日營業
10:30 - 23:00
星期一至日
10:30 - 23:00
*星期一至五點心供應至15:00; 星期六至日點心供應至16:00
以上資料只供參考, 請與餐廳確認詳情
招牌菜
蝦餃必食，新鮮大隻，加左筍粒更爽口叉燒腸粉，皮夠薄，特別加左香茜更好味炸雲吞我最愛，皮薄香脆蝦又爽鐵觀音，好清香茶，有蠟燭爐令茶保持熱環境舒適唔迫整體樣樣都好好味，同樣價錢，好難在香港食到咁有水準的點心
繼續閱讀
任食火煱$368全包。一人一爐，醬料飲品服務費全包了。二位送剌身，都好新鲜。見到其他人食片皮鴨仲正，四位以上先有得送。打邊爐最緊要肉肉同海鲜，款式都好多好新鲜。
繼續閱讀
男伴最次休假，我都最喜歡到丹桂軒飲茶，它的價格不比老店高但選擇又多而且更會定期轉換新款式，每次來都有驚喜兩個人來就算吃得不多，但它的款式上也有雙併，造樣就可以多吃到幾款而且每次來都一定要訂位，不然是要等的啦
繼續閱讀
原來都有超過一年無人寫呢間店既食評, 難得食貴野(其實有$1000現金券先去食), 一行四人但有個食好少, 份量當3.5個人吧.... 環境唔駛講都知富麗堂煌, 先上桌的是一壼茶同一碟辣醬三拼, 我只食左中間黃色的辣醬, 勁辣但好好味!!! 少少甜酸, 好似有果味, 淨食或撈飯都一流! 不過淨食真係幾辣...嗌左三碗羹, 我畀餐牌既相呃左, 相中係一大舊蟹鉗肉響中間, 就係畀呢舊蟹肉引誘左, 點知上到檯碎晒既!!!! 味道異常之普通, 各位屋企罐頭加蛋花都整到, 無蟹肉味, 好失望, 早知叫友人既韮王瑤柱羹, 不過無試過味唔知了... 跟手黎個主角, 北京片皮鴨, 當然黎個專人表演先啦! 刀功真係一流, 快靚正! 都好在唔係京式切法, 一小條片加大大片肉, 我最不喜... 因為阿姐刀功勁, 每塊皮都完全不連肉, 隻鴨又唔肥, 竟然完全無肥膏, 一D都唔油唔騷, 入口還暖暖地少少脆, 激讚! 好味過我食過既片皮鴨, 包括北京的全聚德, 那很騷的.... 有兩大籠蒸皮, 唔怕唔夠皮, 都還係熱同軟的... 墊底的蝦片就冇乜味了...因為係片皮鴨二食, 個殼拎左去用西芹炒, 估唔到廚房佬可以超極速起肉切絲炒起.... 味道一般般, 只能說鴨有鴨味吧... 西芹仲以為大大塊, 點知係絲黎既! 奀支支仲有渣, 差! 另一道推介菜, 火焰醉翁蝦, 我一見到時已經係咁樣, 未見過玻璃兜, 無表演睇添! 蝦就新鮮彈牙嫩口, 可惜唔多覺有酒味, 要講嫩還是雅憩的桑拿蝦最頂級! 不過佢有用蔥煮過的豉油, 都幾好味...大澳及三姐名菜竟然響呢度出現, 窩貼小棠菜, 蝦膠味, 不太濃, 嫩口, 沒有油益味, 粉漿也貼實蝦膠, 只能說不錯...越簡單既菜色就越難整得好食, 尤其淡味食物, 食到質素高好好味既瑤柱蛋白炒飯真係好難, 見咁貴酒家諗住應該手勢好掂啦! 整到好食機會高D, 所以點都要嗌, 可惜好失望.... 瑤柱係還好嫩口, 沒有畀油泡過既迹象, 蔥粒又極少, 即係成碟飯唔夠香口! 蛋白一舊舊, 即係落蛋兜果野唔多快手, 一係無熄火落蛋白... 味道真係分開飯還飯, 蛋白還蛋白... 唯一好處係飯粒乾身, 基本要求吧...最後的是甜品, 就係要豪一豪, 主畀付費都係得呢個, 每人一個, 都係極為失望之作... 本身個木瓜味道比較弱, 二來杏汁都算幾甜, 飲完甜野食生果, 乜生果都唔甜啦! 兩樣野根本唔夾! 但係杏汁係好味既, 好香杏仁味, 但沒有杏仁討厭的臭臭味, 我本身因為呢種臭臭味就係唔喜食杏仁的, 但呢個OK....總括而言, 呢餐用埋星際卡有9折, 正路人均消費$378, 唔食環境只食味道的話, 呢度完全唔值... 最多只係為隻鴨黎...
繼續閱讀
對丹桂軒這個名字很有好感，因為在深圳、成都以致澳門銀河那邊的分店我也嚐過，沒有一次是令我失望的，尤其是在澳門銀河那裡，大理石的裝潢，華麗堂皇，其招牌菜色水準亦很高，只能用價廉物美去形容。這次，有幸得到有關方面邀請，來到星際酒店內的丹桂軒試食，自然是期望。相比起銀河的丹桂軒，這裡的樓底是沒那麼高，但地方卻不比那邊小，而且人氣更為旺盛。由於行程非常緊密，十一點在這裡開始吃，下午一點又是另一場，所以兩位靚女公關也很醒目，沒有安排過份豐富的菜色，而我咁細食，也更加是淺嚐為主。大家邊吃些小食邊傾計，氣氛輕鬆，稍後更有總廚出來介紹當日的菜色。三款的小吃，分別是爽脆的木耳、有咬口的豬耳，以及清爽的拍黃瓜，幾味均是開胃的，作為餐前小食很恰當。冷盤上來了，是三文魚伴黑木耳，中菜用上三文魚刺身實屬罕見 (火鍋店例外)，這裡夠膽用之餘，配搭更是花足心思。木耳是用上圓身也較細小的貓耳，口感特別爽脆，配上肥美且油份高的三文魚，色水靚之集，兩者味道很合拍，無比醒胃。同時，也試了款點心，是加入了四川味道的蟹籽麻辣燒賣。粒粒做得企身，豬肉和蝦肉比例得宜，辣味沒什麼，主要是花椒粉的麻味，但也沒有蓋過肉味，都算過得去。招牌菜爭著要出場，火焰醉翁蝦是堂弄的，先給大家看看生猛的蝦，以玫瑰露把蝦醉死，再點火烹煮，最後過湯，由於烹煮過程中有火焰冒出，因此是表演項目來的，會吸引鄰檯的關注。弄好的醉蝦，自然是酒香撲鼻，大口咬下，肉質爽脆，酒味濃烈，蝦頭位置酒香更為強勁，多吃幾隻，醉倒也是值得的。丹桂豬手煲，把店家名字用上，咁有信心，當然就是招牌菜。豬手經過長時間炆煮，皮仍保持爽口，肉質腍身又嫩，而且入味非常，不愧為招牌菜色，實屬必試產品。招牌菜色雖好，我卻更喜歡簡簡單單的豆漿油條，澳門的油器做得不錯，這油條炸得乾身，外鬆脆內軟熟，吸油紙變得無用武之地；滿有豆香的豆漿，也是在香港永遠無法喝到的。尚膳釀蕃茄，據聞是採用北京的蕃茄，肉厚又多汁，用刀切開，內有乾坤，裡頭釀入了粟米粒、蘿蔔粒以及少許的鵝肝，口感得以提升，鵝肝的甘香味正好為清淡的一味帶出驚喜。早餐也以一個精美到極點的生果拼盤作為終結，安排實在是妥當得無可挑剔。稍事休息，半小時後又一精彩環節。
繼續閱讀
您可能會有興趣的...