天一丼 (已結業)

好耐無試新開嘅餐廳，嗰日去開銅鑼灣，見到呢間新嘅餐廳，看過餐牌又覺得幾得意於是乎就入去試一次。佢嘅丼果然係好食喎，米一粒粒，唔係一般餐廳用嘅米。魚生十分好，唔似迴轉那些質數。要讚讚佢地熟食，我朋友食個雞排飯同埋個牛肉照燒都好正（不過唔好意思唔記得影相）！我食了一個叫做三文魚burger嘅特別推介, 一啲都唔似好老土嘅日本丼飯。十分之有新意。我朋友食左個自家製辣魚生烏冬，讚不絕口。佢話D烏冬好食，加埋佢地嗰個辣醬真係好match! 作為一個係銅鑼灣附近返工嘅OL, 我覺得唔使一百蚊可以食到咁嘅質素，絕對係一個好選擇！睇到佢地餐牌晚飯仲有啲特別推介，下次去完晚飯再匯報啦！