Still

營業中

休息中

今日難得同朋友經過啟岸，醒起之前喺呢間餐廳食個晚餐覺得都幾好食，於是今日就諗住嚟食吓佢嘅晏晝，我哋嚟到嘅時間都差不多一點，本身以為會冇乜人，但係其實比我想像中多人，呢度一行入餐廳就已經有種好舒服嘅感覺，裝修精緻，加埋店員都好有禮貌，食物都係幾好味，加埋價錢都覺得幾抵食。lunch set有餐湯或者沙律同飲品，我要咗個油甘魚他他，朋友就要咗黑毛牛舌烤菇西班牙飯。飲品方面就要咗個泡沫咖啡同埋一個honey cappuccino。個daily special湯就係椰菜花忌廉，好creamy，完全冇苦澀味。沙律亦都相當新鮮，蒜頭漬好有日式feel。油甘魚他他比我想像中更加出色，新鮮又refreshing，係d咁熱嘅夏天食最適合！黑毛牛舌烤菇西班牙飯份量唔少，牛舌口感一流，烤菇好juicy，西班牙飯texture都做得好好，唔會太濕或者太硬。