越包兄弟

營業中

休息中

中環街市新小食店😍 越式法國麵包極具東南亞色彩，用法國麵包製作故名，可以視為一種潛艇堡。佢地嘅越包有5款，加入左港式元素，有燒肉、叉燒、燒雞、鴨胸同乜都有☺️呢個fusion菜單睇落都覺得正。一定係要食乜都有越式法包🥖有叉燒、燒肉、照燒雞咩都有，味道豐富。食到燒肉油脂滲出，入口即溶，配上佢哋嘅肝醬好好食，燒肉有少少脂肪，令味道提升。叉燒越式法包都非常唔錯，叉燒醬汁同法包嘅配搭都幾合襯，好有層次感法包烘得恰到好處。另外配咗蔥、黃瓜、醃蘿蔔等等。最後試埋比較健康嘅燒雞越式法包，外層香脆既不硬，如果想減肥嘅朋友仔真心燒雞會好啱你，燒雞嘅脂肪比較少，雞肉香。佢哋嘅越式咖啡都幾正，平時飲嗰啲越式咖啡超級甜，所以我同職員講要少甜，完全做到俾我同時咖啡味香濃！