飲茶 (已結業)

YumCha做緊放題 $158/$198分別係只有點心 同埋有得叫埋小炒，加多$30就任飲凍飲/玻璃樽裝汽水。雖然見好多點心都係整定，但係上枱都熱辣辣，招牌點心全部都有得叫。而且佢全部份量都係少咗，包點一籠2個 燒賣蝦餃嗰啲點心都係。拉腸就一份一條長嘅切3份，所以其實抵食之餘2個人去都試得多款。個人覺得158嗰隻已經好夠食，除非真係4人以上 如果咪叫198其實好快會飽。佢本身一枱就包一壺茶，另外全單加一 所以任飲抵唔抵就見仁見智。