肉料理とワインCARVING (已結業)

上環文娛中心附近，上咗扶手電梯一層有間日式料理。座位唔算好多，門口有四張吧枱，另外再有三至四張二人枱。坐吧枱感覺比較舒服，同埋寧靜啲。晚餐有八個course，頭盤係大豆作主題三食，魚子醬和牛cone，帆立貝tart，細細件好脆口。下一道菜係阿根廷赤海蝦，有水雲做芡汁，海蝦夠清甜。慢煮牛舌有三種做法，包括柚子燈籠椒，Wasabi，蕃茄梅子，當中柚子個味道再夾。一夜干 yorshire pudding 好有蛋香，外脆內軟，配上綠色通窿器皿。主菜有甘鯛魚同和牛，魚好特別，啲魚鱗係炸到脆脆的，好似食薯片。和牛大大塊，配上粟米，西蘭花同番薯仔。師傅煮得好有心機。