Burger's Friend Forever (元點)

營業中

休息中

今日去咗Yoho Mix試新開嘅漢堡店，一入門已經覺得環境好闊落，特別係窗邊位佈置咗好多綠色植物，坐喺度食嘢成個人都放鬆晒～🌿 中午叫咗個套餐，我決定挑戰佢哋嘅All Day Breakfast同脆雞肉堡！🍳 All Day Breakfast盤成碟料多到鋪到滿瀉！豬肉腸同煙肉煎到香噴噴，咬落去仲有少少焦香～牛油果切到厚身，配埋軟熟嘅pancake一齊食，鹹甜夾雜好過癮！最得意係佢哋居然加咗Cereal Yogurt，脆脆穀物撈埋滑捋捋嘅yogurt解膩之餘又有口感層次～茄汁豆當然唔少得🤣🍔 爆汁脆雞肉堡重頭戲來啦！雞扒炸到金黃酥脆，咬開即刻爆汁！肉質嫩到不得了，夾埋生菜同特調醬汁，麵包軟綿綿又夠彈牙，呢個組合真係無得輸～記得要趁熱食，脆度同juicy度先至巔峰！🍮 紅豆乳布甸作結尾套餐跟埋嘅甜品居然唔馬虎！布甸表面鋪滿紅豆，咬落去軟滑得黎帶陣陣豆香，甜度剛剛好，食完鹹食再食呢個真係Perfect Ending～成個套餐食落超級豐富，重點係價錢親民，學生黨都食得起！最推介坐窗邊位，望住綠植食嘢，成個Lunch Time都昇華咗～下次要試吓佢哋嘅意粉漢堡，睇落都好吸引啊！📍 Burger