One & A Half (已結業)

成日經過形點但好耐冇上過去2樓～ 原來呢邊啲餐廳好多唔同晒，而今次試呢間新餐廳裝修設計都幾有心思，食物款式偏向fusion，味道亦都有驚喜!!• 灸燒安格斯牛肉芝士洋蔥湯烏冬 $168🖤烏冬好掛湯，趁熱食仲有芝士拉絲，牛肉中規中矩，但湯頭濃郁完全係我杯茶！天氣涼涼地係室外再飲啖熱湯真係好滿足！• 燒雞脾佐京都辣汁 $108🖤上枱嗰陣第一下只係覺得份雞髀做得唔錯賣相好正，望落都知雞皮夠香脆！但原來重點係個汁😍 酸酸辣辣好正好開胃！• 可可affogato $68見到隔離枱食雪糕我哋又跟着嗌咗份，雪糕質地冇想像中creamy，$68嚟講唔太大吸引力。今次平日晚市大約7:30去到已經接近滿座，所以安排坐咗係室外位置(*留意翻室外位置要先係收銀落單俾錢然後入座)，室外環境開揚本來係幾舒服，但美中不足係有啲油煙味，同埋出嚟對門重之餘仲會反彈好易撞到，見侍應推門出嚟送餐都好辛苦，希望餐廳可以改善一下。