YKK建榮

營業中

休息中

未講食物之前先講服務員，他們非常好服務，又教你煮雞煲的步驟，又不時過來幫手睇火，清潔枱子。另外，個爐用gas爐，所以好猛火，打邊爐食物好快熟，正。古法醉雞鍋大大碟生醉雞，一黎已好重油味。侍應教我地待藥材湯底水滾後就放醉雞落湯，滾後熄火焗10分鐘。雞大碟之餘，藥材非常足料，有人蔘、杞子、龍眼肉、紅棗等，水滾打開蓋湧出濃濃藥材酒味！而且雞件好多都係雞脾同滑溜部位，食落去有重重的人蔘甘和杞子甜味。雲吞雲吞好大粒，皮又薄餡又多。一碟有10粒大蜆每隻蜆至少5蚊銀咁大，每隻蜆的肉都填滿整個蜆殼，真是啖啖肉。吃下去時蜆的清甜味混合人蔘味真的別有一番風味。鯪魚滑魚滑好彈牙，食落去好爽，感覺上用手打先有咁彈。不過個人認為魚滑配鼓油會較惹味些。肥牛呢隻肥牛多肉少肥脂，隻需灼大約20秒就可以吃。而且肉質非常鮮嫩，如果份量再多一些會更加好。菜好新鮮。食晒所有野臨尾落菜食，雖然較肥，但吸收晒雞煲的精華，非常正呢！