啤啤Bear韓國包車 (已結業)

今日凍凍地，朋友話好想食韓國野，上網search 到呢間好得意既韓國餐廳啤啤Bear韓國包車，就係尖沙咀，就即刻去試下。一上到黎已好得意，有隻大熊仔歡迎，入到去竟然好多跳舞街機，仲有投籃機之類，好有Y2K年代既感覺，超開心。 周圍睇落好乾淨。坐底就先比左一啲泡菜小食比我地，以為唔係好多但原來都幾大塊，好好食。 睇佢餐牌都好吸引，大發！芝士鐵板都有好多選擇。 最後簡左大發！芝士鐵板泡菜炒五花肉，蕃茄韓式辣海鮮湯配中華麵，醬油蟹配脆脆紫菜，仲有2杯柚子特飲。2杯柚子特飲黎到都幾好飲，唔會太甜。芝士鐵板五花肉真係好正，芝士唔會太誇張，五花肉又夠稔，配埋泡菜食一流。最重要佢唔係太辣，溶入芝士既感覺真係會食唔停。呢個蕃茄湯好香，海鮮又夠新鮮，個麵嗦多啲汁食真係好好味。大家最期待既醬油蟹，超juice，而佢既觸膏配脆脆紫菜真係不得了, 冇咁咸之餘口感仲勁正，隻蟹又夠鮮甜，無得噗。真係下之再同多啲朋友黎食過。