小甜谷 Dessert Kaffee (已結業)

食過午餐，在銅鑼灣一帶的商場逛了又逛，有點累了就黎揾食，見開飯咁多人推小甜谷，等我又黎試下先。鮮蝦帶子墨魚汁意大利麵，朋友話未食過墨汁意粉，等我地今日黎試下呢樣啦，蝦同帶子爽甜，麵炒得香口，唔錯喎，食完成咀黑哂，哈哈。香草牛油帶子鮮蝦蕃茄乾意大利飯，另一個我點嘅，鍾意食意大利飯嘛，蕃茄味少少酸，飯軟硬適中，都幾好味，點完先發現又係蝦同帶子，兩碟一樣味草莓鳳梨蜂蜜乳酪，試下招牌特飲先，酸酸地好香甜，勁濃生果味嘅乳酪，飲得又食得。薄荷朱古力曲奇沙冰，朋友至愛曲奇沙冰，見到即刻要點呢個。香濃甜味，薄荷味好正。楊枝甘露奶凍慕絲，食完主菜梗系要食埋甜品，好耐無食過楊枝甘露，今日就叫呢樣先。甜甜地好重芒果味，唔太食到柚子味，但都唔錯，好香滑。宇治抹茶精選，綠茶正！綠茶控梗系要叫呢個啦，一次有三樣最精彩係軟雪糕，好濃但不苦，一口接一口食唔停呀！沒有套餐只能散叫，價錢有點小貴，但銅鑼灣食咩都唔平啦，而且最緊要好食嘛！