話說今日收工同女朋友去行街,之後想住陪佢去油麻地買D蛋糕用品
點知就俾我見到佢啦..我見到咁貴本來真係唔想食GA..
之後我女朋友話一陣行完再返黎睇下啦..
點知到左晚上7點幾左右啦,我見到有個侍應係門口就問佢詳情,先知原來今日係第一日推出..
諗左一陣..我覺得都可以試下GE..
咁第一日推出,我相信D野食應該係最新鮮GE~~^^
張食物台就真係唔係好長..但係入面GE 食物種類都幾多WOO!!
有法國,美國,澳洲,南非GE生蠔,又有長腳蟹啊..好多..有D都唔知係邊個國家..
最重要係有鮑魚啊...真係估佢唔到..活鮑魚.....!!!!!!!!!!!!!!!!
頭盤係個魚翅沙律同三文魚刺身,沙律真係超好味!!!:)
三文魚就都係咁啦..我同我女朋友都唔識分咩國家果D..但好厚切
二度可以2揀1 ,係鹿兒島和牛同埋茶美豚..
我地唔知咩係茶美豚又未食過和牛..聽人講和牛好好食..
所以最後我地都係要晒和牛..最有趣係自己煎^^ 就咁睇D色都知道新鮮!!!
最後哩個就係任食啦...全程有一個半小時俾你可以任食..
我真係食唔到咁多海鮮..不過我女朋友本身超中意食海鮮,
所以佢真係係咁食...仲話D生蠔超正,好甜!!我都有食..
不過我覺得..唔知係唔係第一日啦..真係好新鮮D野,所以真係超抵食!!!!最重要D鮑魚真係好好味
雖然冇熱食,不過都好飽,因為真係食到我都食唔落,如果做正我女朋友哩D海鮮達人..佢一定執硬..返晒本有突!!!!!!
都值得一試,好像個價就都幾貴,不過真係我唔係太愛海鮮都覺得佢好似...好蝕~~
P.S掛住講食唔記得提..服務都可以..但可以改善,食物都轉得幾快.餐廳人唔係太多.都OK,唔會似酒店果D 咁迫!!
