WOFT (已結業)

之前行開經過旺角，見到有點類似酒吧的店開左，於是上網查，原來呢間唔係淨係賣酒的餐廳，仲有不同款式的食品。幸好我地去試當天有訂位，唔係起出面排隊。我地安排坐在門口附近的高枱，旁邊係酒水位，可以近距離見到店員沖野飲^.^ 餐廳設計十分有特色，佢地會在餐廳門口放在個酒櫃，要從餐廳入面先見到。我見餐廳旁邊仲有個小鋪位，好似專係賣啤酒。我同朋友見到餐牌都唔知食邊樣好。佢地包含了港式化的小食、西式的食品、特色甜品和串燒，真系食物款式多羅萬有！ 頭盤方面，我地叫左泰式生蝦配WOFT的秘制醬汁，生蝦每隻十分新鮮，而且體型唔細，有六至七隻左右，幾抵！至於個醬汁亦唔錯，不過我個人覺得辣左少少。藍青口配香蒜白酒汁，呢款必定要試，非常抵食，除了份量多之外，重點係佢隻隻都開口而且有肉。食開貝殼類海產的人都知，出街食唔係唔開就係開左無肉，呢間餐廳真好！加上白酒配香蒜無得輸，絕配！呢款一口蜜糖腸真係人如其名，一口搞掂。蜜糖份量十足，焗到個腸仔邊有點脆口感覺，都唔錯。燒雞泡魚干十分鮮甜，而且香口，配埋沙律醬，不錯的配搭。燒大墨魚嘴燒得好惹味，而且爽口！店員個個都好友善，會主動問你有咩需要同執野，值得讃賞