影片
更多
2017-12-11
93 瀏覽
先生今天專為怕悶嘅我準備新餐廳和我慶祝生日。地點超方便嘅餐廳，位於尖沙咀厚福街街尾。裝修用了大自然同木嘅原素， 環境簡約舒適。因為呢間餐廳剛新開一個月，膽粗粗試下佢推介嘅set dinner。價錢唔貴，兩個人都係$598。呢度嘅水牛芝士冇咁濕，味道比較濃。而且佢用左差唔多半個水蜜桃嘅份量，加上新鮮厚實大蕃茄及預先調好味道的火箭菜（即加左黑醋醬）而且菜嘅份量夠多，我很喜歡。平時水牛沙律味道只有酸酸咸咸嘅效果，但係加咗日本水蜜桃即時層次提升，香甜酸微咸感覺配合的剛好。我個人鍾意將所有食材疊在一齊食，好好感受各種食材的味道。侍應未係上湯時已經聞到陣陣蟹香味， 還以為白色大圓圈的是蛋黃，睇真啲原來係帶子，而白色一粒粒嗰啲係蟹肉黎嫁。味道極濃，怕鮮味重嘅朋友可考慮先加胡椒。我個人就喜歡此鮮味。份量其實得兩個shot左右，啱曬我，唔會去到食主菜就飽左。第一個主菜就係黑松露野菌意大利飯。上菜時已經陣陣黑松露香味，睇相已經見到松露份量好多。意大利飯係正煮法，傳統味道，口感有嚼感，喜歡飯較軟嘅可叫廚房煮耐一點。有樣野要重點讚下，就係每道菜都係香味撲鼻!!!! 唔係講笑。最有驚喜嘅就係第二道主菜，真係冇得
先生今天專為怕悶嘅我準備新餐廳和我慶祝生日。
地點超方便嘅餐廳，位於尖沙咀厚福街街尾。裝修用了大自然同木嘅原素， 環境簡約舒適。
因為呢間餐廳剛新開一個月，膽粗粗試下佢推介嘅set dinner。價錢唔貴，兩個人都係$598。
呢度嘅水牛芝士冇咁濕，味道比較濃。而且佢用左差唔多半個水蜜桃嘅份量，加上新鮮厚實大蕃茄及預先調好味道的火箭菜（即加左黑醋醬）而且菜嘅份量夠多，我很喜歡。平時水牛沙律味道只有酸酸咸咸嘅效果，但係加咗日本水蜜桃即時層次提升，香甜酸微咸感覺配合的剛好。我個人鍾意將所有食材疊在一齊食，好好感受各種食材的味道。
侍應未係上湯時已經聞到陣陣蟹香味， 還以為白色大圓圈的是蛋黃，睇真啲原來係帶子，而白色一粒粒嗰啲係蟹肉黎嫁。味道極濃，怕鮮味重嘅朋友可考慮先加胡椒。我個人就喜歡此鮮味。份量其實得兩個shot左右，啱曬我，唔會去到食主菜就飽左。
第一個主菜就係黑松露野菌意大利飯。上菜時已經陣陣黑松露香味，睇相已經見到松露份量好多。意大利飯係正煮法，傳統味道，口感有嚼感，喜歡飯較軟嘅可叫廚房煮耐一點。
有樣野要重點讚下，就係每道菜都係香味撲鼻!!!! 唔係講笑。
最有驚喜嘅就係第二道主菜，真係冇得彈-北海道直送八爪魚腿! 佢賣相靚，炭燒味重，而呢條腿係粗過兩隻手指!!! 廚藝好嘅餐廳先會咁大膽放佢做主菜，只配少量蔬菜，個海鮮要煮得剛好，煮過火就成碟唔駛食! 結果我同先生係。。。一人一大條自己鋸曬食，冇淨! 廚師整左個泰式汁，中和八爪魚嘅海鮮咸味及膩口感覺。先生喜歡個汁，我就鍾意佢炭燒味及新鮮海水味。配菜也很特別，用左意大利蔬菜（羅馬椰菜花）, 車厘茄的新鮮食材,整體配合無得輸,係一個我覺得新穎的菜式!
最後的甜品是一款芝士蛋糕.味道不錯,整體這樣的所有菜式都非常高水準!
張貼
