影片
更多
2003-11-19
48 瀏覽
今日來到great搵食，發現White Spot在此開檔！曾經在溫哥華幫襯過White Spot，在當地是一間特許經營的連鎖餐廳，除漢堡外，沙律、三文治、燒雞、意粉咩都有，味道同Kenny Rogers一樣只屬一般。而家在香港竟然變了一間只賣漢堡包的快餐店，仲用Triple O’s為名，Triple “O”在加國只係該店的一種醬汁名，可能呢度想以該醬汁做招牌都唔定。他鄉遇故知，梗要試試得唔得。叫左BC Burger Combo，主角的漢堡包仍夠份量，麵包是經烘熱的，內有芝士、牛肉、煙肉、生菜及蕃茄等，味道一般但一定夠飽，主角中的主角~牛肉似乎整熟左好耐，因為幾乾，麻麻地。加國的BC Burger話明牛肉係quarter pound的，香港的看來無咁大份，不過都無所謂，唔好食要咁大份做咩？若唔夠飽仲有薯條一杯，好在都算新鮮炸起，味道都係咁，吃了一半已飽了；檯面有白醋點薯條，唔對胃口亦有茄汁及芥辣供應。廚房屬半開放式，客人會見到入面整包的情況，但見幾位廚工無帶手套，就將包及各種餡料傳來傳去，好似唔係幾合衛生喎。在場外有個外籍侍應四維問人意見，已客氣的指出這一點，搞到佢好尷尬咁say sor
曾經在溫哥華幫襯過White Spot，在當地是一間特許經營的連鎖餐廳，除漢堡外，沙律、三文治、燒雞、意粉咩都有，味道同Kenny Rogers一樣只屬一般。而家在香港竟然變了一間只賣漢堡包的快餐店，仲用Triple O’s為名，Triple “O”在加國只係該店的一種醬汁名，可能呢度想以該醬汁做招牌都唔定。
他鄉遇故知，梗要試試得唔得。叫左BC Burger Combo，主角的漢堡包仍夠份量，麵包是經烘熱的，內有芝士、牛肉、煙肉、生菜及蕃茄等，味道一般但一定夠飽，主角中的主角~牛肉似乎整熟左好耐，因為幾乾，麻麻地。加國的BC Burger話明牛肉係quarter pound的，香港的看來無咁大份，不過都無所謂，唔好食要咁大份做咩？若唔夠飽仲有薯條一杯，好在都算新鮮炸起，味道都係咁，吃了一半已飽了；檯面有白醋點薯條，唔對胃口亦有茄汁及芥辣供應。
廚房屬半開放式，客人會見到入面整包的情況，但見幾位廚工無帶手套，就將包及各種餡料傳來傳去，好似唔係幾合衛生喎。在場外有個外籍侍應四維問人意見，已客氣的指出這一點，搞到佢好尷尬咁say sorry，希望以後有所改善。
連飲品一杯要58蚊，香港竟然收得比加拿大貴，試一次就無下次了。
張貼