在 (已結業)

☀️芫荽厚切餐肉炒蛋三文治今日真係要好好介紹吓呢間餐廳，我已經定期光顧，本身佢個Menu其實都幾多嘢選擇，淨係包都已經有好幾款，如果想試晒嘅話真係要用啲時間。今次我想分享呢個三文治嘅原因係因為，我真係覺得好好味！試過佢其他唔同嘅三文治，感覺上都好似淡少少。呢一個芫荽厚切午餐肉炒蛋嘅三文治巨量級！我都冇諗過三文治竟然可以有咁大舊😆三文治內嘅餡料可以有咁多，真係可以話係「爆餡」。真正嘅色香味俱全呢一個包真係做到了！芫荽嘅味道好香好重好濃烈。午餐肉夠晒厚，食落啖啖肉。