在 (已結業)

原來V Walk有呢間外賣小店，係地下，好易搵，鋪頭名都好特別，單字一個在。我地叫佐一個$32既芫荽厚切餐肉炒蛋三文治🥪超大份超爆料，炒蛋勁勁勁好食，好滑，熟得岩岩好，有埋芫荽，勁香，餐肉都有煎香過，餐肉既油香滲埋落三文治，真係勁勁勁好食！另外試埋$39既五丁花生友🥪呢個係五香肉丁花生醬加炒蛋，就咁聽感覺係奇怪既，又甜又咸咁，但原來食落先知好正，五香肉丁同花生醬好夾，花生醬其實都有咸香味，配合番五香肉丁辣辣地，好惹味，炒蛋又係好出色，好滑好嫩，成個配搭好好，超正！