星期六專登渣車入左去V City行街!
個度都幾大..賣既野都有幾多同集中, 星期六都唔算多人, 總體感覺不錯!
咁難得入到黎梗係食埋飯先走啦..所以就食左呢間!
呢到係食泰國野, 咁第一樣叫既當然係冬陰公啦!
同一般出面食到既唔同…
呢個有正宗泰國風味, 同係泰國食到既味道差唔多!!
冬陰公都真係幾足料, 個湯夠酸夠辣, D料入哂味!
D蝦好爽脆彈牙!個湯夠鮮..但要注意有D辣…
第二樣叫既就係咖哩薄餅!呢個真係好好食!
連友人平時唔多食薄餅都覺得好好食!因為佢真係做到內軟外脆!真心推薦!
之後食左串燒,可以一次叫2種唔同既肉..我地食左豬同雞…
串燒燒得唔錯, 睇落以為脆口應該會好乾, 點知裡面好多肉汁, 好juicy~
其實仲好想試牛,但因為朋友唔食牛所以就無叫了..
食左個咖哩雞飯定食.., 咖哩好有椰香同香料味, 一食就停唔到口, 好食!!!..
而且又唔算貴, 仲好多嫩滑既雞!!!
最後,仲每人叫左一杯野飲!波羅冰同青檸梳打, 兩杯個味都適中, 唔會好似出面既過甜, 而且都有鮮果味!不俗!
