Mamaday (已搬遷) 新店位置

講起特色餐廳，定要提呢一間mamaday。由餐廳裝修、餐牌、菜式都別樹一格，食物配搭亦極奇新穎。今日叫咗個蒜蓉蝦pizza，蒜味香濃、蝦夠大粒，夠彈夠爽，配合上薄片Pizza同小小薯蓉，有中西合璧既感覺，唔錯、夠新意👍🏻👍🏻主食仲叫左個辣肉碎拋打烏冬，呢個就似泰式夾日式，泰式辣肉碎醬再加泰式大蝦片，配上日式烏冬。一開始既感覺似泰式肉醬意粉，配上烏冬少左飽滯感，彈牙烏冬，配上肉碎夠晒野味～～飲品方面，大力推介豆腐咖啡，上層豆腐雪糕、中層香濃咖啡、底層豆腐花。豆味咖啡味互相呼應，不同層次又帶來不同口感，喜歡豆腐又喜歡咖啡既你，不可錯過！另一杯係士多啤梨奶昔，呢杯感覺大分清新，飲得出鮮榨士多啤梨味，奶昔質感較soft同清新，食完咁多濃味野，飲淡啲既就剛剛好啦。