丸·茶手作 (已結業)

之前聽過朋友講丸。茶手作，而且都係幾出名下，所以呢幾日特登去試吓～ 其實周圍都好多台式飲品，越嚟越難突岀 但係聽丸。茶手作呢個名又好似幾特別，所以就試吓佢睇到menu，其實都諗咗好耐！因為我見佢古早茶系列都放喺幾當眼嘅位置，所以諗緊叫唔叫，覺得應該係招牌，但我本身個人 行“安全”路線，所以最後都係揀咗黑糖珍珠撞奶(凍)，因為諗住見佢既圖好似係街道好多人揸住 等咗大概5分鐘到，就已經整好左！都算幾快，一拎上手就已經感覺到黑糖珍珠係熱嘅，奶就係凍嘅~ 期待感十足！ 我將佢搖勻，再試飲~ 覺得黑糖味好濃，珍珠好煙銀，幾有口感，但係鮮奶味就比較淡~ 夾埋飲又唔錯，不過我估黑糖珍珠奶茶會更好味，因為鮮奶真係有啲淡，好似溝水太多既感覺仲要去到$28，有少少唔值！