芝樂坊餐廳

其實平時對蛋糕冇乜特別喜好，不過今次朋友話呢間餐廳做緊特價，慶祝全美芝士蛋糕日，全部芝士蛋糕都有半價優惠，咁一於就陪佢去下啦。嘩！去到真係好多人排隊，最後我哋攞咗飛，以為有得入去啦，點知原來係叫我地兩個鐘之後再返嚟，不過朋友真係好想食，所以就等啦。過咗兩個鐘，我哋返到嚟啦，但都要再等咗半個鐘先至安排到入去坐話見到佢個蛋糕櫃又真係好多唔同種類嘅芝士蛋糕，好似好吸引，由於選擇太多啦，我同朋友睇完又睇，睇咗好耐先至揀到兩款。最後我揀咗Oreo奧利高非凡夢想芝士蛋糕，朋友就揀咗朱古力榛子脆脆芝士蛋糕。又要嘩一次啦，因為件蛋糕真係好大件，兩件蛋糕嘅芝士味都重既，但同時都好甜好漏，好快就覺得好滯啦，我哋食到一半已經食唔落啦! 同埋可能做緊優惠，啲侍應比較忙，我哋每次需要佢地嘅時候都要叫幾次先有人理我地，或者要等。