Pizza Baby (已結業)

當日本着想試新野，同埋門面幾吸引就入咗去啦。我同阿哥都去睇Menu就覺得有少少伏因為價錢偏貴選擇偏小，同埋冇套餐，嘢飲要另外加錢食pizza嘅靈魂就係杯汽水竟然要另外加錢不過餐具係誠意之作，同埋係吸引小朋友嘅。我諗有少女心嘅朋友都應該會鍾意呢一個餐具。兩杯嘢飲都係噱頭嘢，上枱嘅時候覺得好靚，飲落就覺得麻麻，有小小藥水味叫左辣肉腸Pizza，pizza 底脆脆地，皮邊唔會好多包食到好飽咁。芝士亦夠多，好香，唯一不足就洋蔥仲有小小生生地，唔夠冧身。芝士拉絲好正不過應該唔會再去，除非有朋友會帶小朋友就可能會推薦下個人覺得絕對唔適合二人聚餐